E Méindeg de Mëtteg huet d'Lëtzebuergerin am 3. Tour vun der Qualifikatioun an 3 Sätz mat 6:3, 5:7 a 6:2 géint d'Vera Zvonareva gewonnen.

D'Mandy Minella huet déi 3 Tier an der Qualifikatioun vum WTA-Tournoi zu Stuttgart iwwerstanen. E Méindeg de Mëtteg huet d'Lëtzebuergerin sech an dräi Sätz mat 6:3, 5:7 a 6:2 géint d'Vera Zvonareva duerchgesat. D'Russin war 2010 d'Nummer 2 op der Welt a steet aktuell op der 84. Plaz an der Weltranglëscht. D'Mandy Minella ass d'Nummer 108.

Am éischten Tour vum Haapttableau wäert d'Mandy Minella et dann awer ganz schwéier kréien, do spillt si nämlech géint d'Belinda Bencic. Déi 22 Joer al Schwäizerin steet aktuell op der Plaz 20 an der Weltranglëscht.