An England huet sech um allerleschte Spilldag de Kampf ëm de Championstitel entscheet. City krut auswäerts kee Bee gestallt an huet 4:1 gewonnen.

Am englesche goung et e Sonndeg de Mëtteg ëm den Titel am Futtballchampionnat - um leschte Spilldag vun der Premier League ass d'Entscheedung gefall.

Premier League

Brighton Albion - Manchester City 1:4

Kuerz virun der hallwer Stonn Spillzäit huet de Murray d'Citizens mat sengem 1:0 geschockt. D'Äntwert vun de Skyblues huet awer net laang op sech waarde gelooss, well et war de Buteur Agüero, deen nëmmen zwou Minutten no der Féierung vun der Heemekipp 1:1 ausgläiche konnt. City huet duerno weider op een 2. Gol gespillt a konnt dunn och an der 38. Spillminutt de Match dréien an op 2:1 setzen. Et war de Laporte, dee mat engem Käpper de Ball verwandele konnt. Mat dësem Score goung et an d'Paus!

© AFP

Och am 2. Duerchgang huet ManCity näischt ubrenne geloossen. An der 63. konnt de Mahrez op 3:1 setzen, wat gläichzäiteg d'Entscheedung vum Match bedeit huet. De Gündogan konnt ronn 10 Minutte méi spéit nach een dropsetzen an domat war d'Victoire vum Pep Guardiola senge Jonge perfekt.

Liverpool - Wolverhampton 2:0

D'Reds sinn optimal an d'Schlusspartie vun der Premier League Saison gestart an an der 17. Spillminutt duerch de Sané mat 1:0 a Féierung gaangen.

Liverpool huet am weidere Verlaf de Match geréiert a sécherlech mat engem Aen op d'Partie vu City bei Brighton Albion gekuckt. D'Reds hunn och am 2. Duerchgang hir Hausaufgabe gemaach a konnten an der 81. Spillminutt op en Neits duerch de Sané de Score op 2:0 schrauwen.

Ligue 1

OSC Lille - Bordeaux 1:0

Bundesliga

Frankfurt - Mainz 0:2

53 Spillminutten huet et gedauert, bis Mainz een Ausrufezeiche setze konnt: den Ujah konnt nämlech de Score fir d'Rheinhessen op 1:0 schrauwen. D'Eintracht war sécherlech nach midd an hat déi schwéier Partie aus der Woch géint Chelsea an de Been.

Mainz konnt dovunner profitéieren an nëmme 5 Minutten drop op 2:0 erhéijen. Op en Neits war et den Ujah, dee fir seng Faarwe markéiert hat.

La Liga

Serie A