D'Frënn vum Lëtzebuerger Futtball kënne sech freeën, well d'Emissioun Goal gëtt ëm 3 Joer op RTL Télé Lëtzebuerg verlängert.

Dëse Méindeg, 13. Mee hunn RTL, d’FLF an den neie Partner CMCM (Caisse Médico-Complémentaire Mutualiste) eng Kollaboratioun fir 3 Joer ënnerschriwwen, mat där d’Emissioun Goal op RTL Télé Lëtzebuerg bis 2022 verlängert gëtt.

De Futtballmagazin Goal leeft 34 Mol am Joer, ëmmer méindes owes um 20 Auer op der Télé. E gëtt en Abléck an déi Lëtzebuerger Futtballswelt, mat aktuelle Matcher an Hannergrondreportagen.