Fir de Lëtzebuerger Judo ass et fir d'éichte Kéier zanter 2001, datt een individuell keng Goldmedail gewonnen huet.

AUDIO: Medailen am Judo an am Schwammen / Rep. L. Kayser an S.Olmo

D'Kim Eiden huet sech an der Kategorie bis 52 Kilogramm an der Finall géint eng Zypriotin misse geschloe ginn a ka sech um Enn iwwer Sëlwer freeën.

Bei den Häre war an der Gewiichtsklass bis 73 Kilogramm de Claudio Dos Santos an der Finall. Och fir hie gouf et hei eng Néierlag, sou datt hie Sëlwer gewënnt.

D'Monique Kedinger stoung an der Kategorie bis 70 Kilogramm um Podium. Et waren nëmme 4 Athletinnen an der Kompetitioun an et goufe keng Halleffinallen organiséiert. D'Sportler sinn alleguer eng Kéier géinteneen ugetrueden, dobäi konnt d'Lëtzebuergerin ee vun hiren 3 Matcher gewannen.

© Serge Olmo

An der Kategorie bis 66 Kilogramm bei den Hären huet sech den Tom Schmit Bronz geséchert.

Den Denis Barboni huet an der Kategorie bis 90 Kilogramm och déi 3. Plaz realiséiert.

An fir d’Éischt zanter 2001 dass et am Judo individuell keng Goldmedail gouf. Bei den Häre war wuel eng Delegatioun vu Montenegro dobäi, mä bei den Dammen mol net.

D'Telma Martins ass no enger Defaite am Kampf ëm déi 3. Plaz eidel ausgaangen.