Am Petanque stoungen d'Lëtzebuergerinnen Indira Ongaro an d'Nathalie Demange an der Finall.

An der reng Lëtzebuerger Finall am Petanque huet sech d'Nathalie Demange mat 13:9 géint d'Indira Ongaro duerchgesat a sech d'Goldmedail am Eenzel geséchert. Fir d'Ongaro gouf et deemno Sëlwer.

An den Halleffinalle vum Eenzel hat sech en Donneschdeg de Moien d'Indira Ongaro mat 13:11 géint d'Laurence Crovetto Viale vu Monaco duerchgesat. An der zweeter Halleffinall huet d'Nathalie Demange mat 13:3 géint d'Marie-Lyne Bolis vu Monaco gewonnen.

Bei den Häre war de Claudio Contardi dee Beschten. Hien huet d'Finall mat 13:8 géint de Philipp Santmann aus Andorra gewonnen. Mam Massimo Santioni stoung nach ee weidere Lëtzebuerger um Podium. Hie war an der Halleffinall vum Contardi eliminéiert ginn. An der Partie ëm Bronz war hien dunn dem Bruno Santmann mat 13:7 iwwerleeën.

Am Boules Lyonnais huet sech de Gary Barone Bronz geséchert.

Bilan am Boules

Um Enn gouf et fir d'Lëtzebuerger 3 Mol Gold, 1 Mol Sëlwer an 2 Mol Bronz.