D'FLBB-Dammen hu sech am decisive Match mat 78:56 géint Malta duerchgesat a wanne Bronz.

Dem Coach Ken Diederich seng Jonge ware richteg gutt an d'Partie géint Montenegro komm. An der Paus ware si 7 Punkte vir. No 25 Minutten esouguer 9 Punkten bei 58:49.

D'Feeler hunn dunn awer ugefaange sech ze heefen wat am 3. Véierel als Konsequenz hat, datt 2 Lëtzebuerger Spiller mat 5 Feeler hu missten eraus.

Montenegriner kruten um Enn vum 3. Véierel d'Kéier, mä eng 15 Sekonnen viru Schluss vum Match beim Resultat 91:93 hat de Philippe Gutenkauf Pech bei sengem Schoss an esou konnt Lëtzebuerg sech net an d'Verlängerung retten.

Allgemeng war den Arbitrage net favorabel fir déi Rout Léiwen.

Nach ni konnten d'Lëtzebuerger Gold wannen op de Spiller vun de klenge Länner. E Samschdeg huet guer net vill gefeelt. De Ken Diederich war houfreg op seng Ekipp no der ganz intensiver a spannender Partie.

D'Lëtzebuerger Dammen-Nationalekipp wollt e Samschdeg onbedéngt eng Medail gewannen an esou si si och am Match géint Malta opgetrueden. Mat enger zoliter Ekippeleeschtung a villen Dräier an der éischter Hallschent konnte si sech ee Virsprong vu 17 Punkten erausspillen an esou stoung et no zwee Véierel 38:21 fir Lëtzebuerg.

No der Paus huet d'FLBB-Formatioun net nogelooss. Malta konnt zwar am drëtte Véierel de Réckstand e bësse verklengeren, ma et d'Lëtzebuergerinnen hunn nach ëmmer ee Virsprong vun 12 Punkte mat an dee leschte Véierel geholl. An et stoung 54:42. An de leschten 10 Minutten hu sech d'Lëtzebuergerinnen dës Medail net méi huele gelooss a sou gewanne si de Match mat 76:58 a séchere sech Bronz.

Virun 2 Joer haten d'Lëtzebuergerinnen och Bronz gewonnen, ma deemols war dat eng Enttäuschung. Dëst Joer gesäit et anescht aus, well dem Trainer Mariusz Dziurdzia verschidde Spillerinne gefeelt hunn an ee Problemer hat, eng Ekipp zesummen ze kréien.