Op der Futtball-WM vun den Dammen a Frankräich, ass den Titelverdeedeger USA senger Favoritteroll méi wéi gerecht ginn.

Dëst mat enger 13:0 Victoire géint Thailand. Mat dëser Mass u Goler hunn d'Amerikanerinnen de WM-Rekord vun der däitscher Futtball-Nationalekipp op der WM 2007 a China iwwertraff. Deemools haten déi däitsch Dammen am éischte Match géint Argentinien 11:0 gewonnen. De Vizeweltmeeschter Schweden gewënnt do virdrun 2:0 géint Chile.

Den Europameeschter Holland huet sech schwéier gedoen a gewënnt eréischt an der zweeter Minutt vun der Nospillzäit knapp mat 1:0 géint Neiséiland.

Den Iwwerbléck vun de Resultater vum 1. Spilldag an der Gruppephas

Grupp A:
Frankräich - Südkorea 4:0 (3:0)
Norwegen - Nigeria 3:0 (3:0)

Grupp B:
Däitschland - China 1:0 (0:0)
Spuenien - Südafrika 3:1 (0:1)

Grupp C:
Australien - Italien 1:2 (1:0)
Brasilien - Jamaika 3:0 (1:0)

Grupp D:
England - Schottland 2:1 (2:0)
Argentinien - Japan 0:0 (0:0)

Grupp E:
Kanada - Kamerun 1:0 (1:0)
Neiséiland - Holland 0:1 (0:0)

Grupp F:
Chile - Schweden 0:2 (0:0)
USA - Thailand 13:0 (3:0)