Et goung jo ëm d'Fro, ob den ukraineschen Nationalspiller Junior Moraes an der EM-Qualifikatioun géint Lëtzebuerg a Portugal spillberechtegt war oder net.

AUDIO: FLF kritt net Recht / Reportage Jeff Kettenmeyer

Um Enn ass et méi séier gaange wéi geduecht. D'Lëtzebuerger Futtball-Federatioun krut och virum Appellgeriicht vun der UEFA net Recht an der Affär em déi méiglech 3 Punkte géint d'Ukrain. Et geet jo drëms, datt een ukrainesche Spiller, de Junior Moraes, net spillberechtegt war. Bei der FLF hat een sech en Dënschdeg nach optimistesch gewisen.
Virun allem de Maître Jean-Jacques Schonckert, war no der Seance an den Aussoe vum Fifa-Delegéierte relativ optimistesch, datt et awer nach géif klappe mat den 3 Punkte géint d'Ukrain. No der Nouvelle vun e Mëttwoch de Moien ass de Vize-President vun der FLF aus de Wolleke gefall. Et war gutt. datt ech um Stull souz, soss wier ech op gutt Lëtzebuergesch gesot op den A.... gefall, sou de Maître Schonckert.

Et hat een u sech mat op d'mannst enger bis maximal 3 Woche gerechent, déi et géif daueren, fir en Uerteel ze kréien.
Datt et schonns direkt den Dag drop wier, léisst e bësse Raum fir Spekulatiounen. Et ass verdächteg séier gaangen, d'Riichter hätten an dësem Fall 100 Säite bannent engem Dag duerchgelies an eng Decisioun geholl, sou de Maître Schonckert

Fir d'FLF bleift elo nach dee leschte Schratt, an zwar bei de CAS, dat internationaalt Sportsgeriicht, zu Lausanne ze goen. Ob dat de Fall wäert sinn, muss een a Rou kucken, sou de President Paul Philipp. Elo freet een als éischt d'Motiver un, déi hëlt een da mat an de Conseil vun der FLF an do decidéiert een dann a Rou, ob et de Schratt op Lausanne gëtt oder net, sou nach de President vun der FLF.

De Paul Philipp sot am RTL-Interview och nach datt ee géif mat der portugisescher Federatioun schwätzen op déi de Wee op Lausanne wëlles hunn ze goen, an trotzdeem onofhängeg vu Portugal géif decidéieren.

Schreiwes vun der FLF

Décision de l'instance d'appel de l'UEFA du 18 juin 2019 (protestation de la FLF – EURO 2020, match Luxembourg – Ukraine, 25 mars 2019)

L'instance d'appel de l'UEFA a rejeté l'appel de la FLF en date du 18 juin 2019 et a confirmé la décision de l'instance de contrôle, d'éthique et de discipline de l'UEFA du 2 mai 2019 (protestation de la FLF dans le cadre du match Luxembourg-Ukraine du 25 mars 2019 au sujet de la qualification du joueur ukrainien Junior MORAES).

Ignorant les raisons du rejet, la FLF va demander les motifs de cette décision auprès de l'UEFA.
Le Conseil d'Administration décidera par après des suites à y réserver.