D'Lëtzebuerger Nummer 1 konnt sech e Méindeg de Mëtteg iwwerraschend géint d'Tête de série Nummer 1 duerchsetzen a steet an der Véierelsfinall.

AUDIO: 4. Kompetitiounsdag zu Minsk/Reportage Rich Simon

D'Bernadette Szocs steet op der 16. Plaz an der Weltranglëscht a war déi grouss Favoritin, fir Gold ze gewannen. E Méindeg war da fir si awer Schluss, déi jonk Rumänin huet sech nämlech dem Ni Xia Lian mat 2:4 misse geschloe ginn. D'Lëtzebuergerin hat ee richteg gudde Start erwëscht a konnt direkt déi éischt dräi Sätz fir sech entscheeden.

Dono ass d'Bernadette Szocs wakereg ginn a si konnt hirersäits och 3 Sätz um Stéck gewannen. Deemno huet et missen an de 7. an decisive Saz goen. Hei war et laang Zäit ganz spannend, ma beim Stand vu 5:5 war et d'Lëtzebuergerin, déi 3 Punkte um Stéck maache konnt. Schlussendlech huet si de leschten an entscheedende Saz du mat 11:7 gewonnen, esou dass sech dann awer d'Erfarung duerchgesat huet.

VIDEO: Ni Xia Lian eliminéiert Bernardette Szocs
D'Lëtzebuerger Nummer 1 konnt sech e Méindeg de Mëtteg iwwerraschend géint d'Tête de série Nummer 1 duerchsetzen a steet an der Véierelsfinall.

Olympesche Bou: Déi 3 Lëtzebuerger goufen eliminéiert

© Rich Simon

An den 32tels-Finallen huet am Famillenduell de Joé Klein de Pit geschloen. Den 19 Joer alen Tireur konnt sech um Enn mat 6:2 géint säin 3 Joer méi ale Cousin duerchsetzen.

Am zweeten Tour vun der Finalronn huet dunn den Dan Olaru gewaart. Géint de Moldawier, Nummer 16 op der Welt, hat de Joé Klein dunn awer keng Chance.

De Joé Klein huet säi Cousin Pit mat 6:2 eliminéiert
An der 16tels-Finall war dunn awer och Schluss fir de Joe Klein. Hien huet géint den Olaru aus Moldawien verluer.

Och de Jeff Henckels hat et an d'16tels-Finalle gepackt. D’Lëtzebuerger Nummer 1 huet e Méindeg am éischte Match ganz knapp am Shootout mat 6:5 géint de Belsch Jarno de Smedt gewonnen.

Am nächsten Tour war dunn awer Schluss fir den 34 Joer ale Routinier. De Jeff Henckels verléiert mat 2:6 géint den Hollänner Sjef Van den Berg, d’Nummer 7 op der Welt.

VIDEO: Out fir de Jeff Henckels an der 16tels-Finall
De Jeff Henckels verléiert mat 2:6 géint den Hollänner Sjef Van den Berg, d’Nummer 7 op der Welt.

Badminton

De Méindeg de Mëtteg um 17.20 Auer Lëtzebuerger Zäit war et dann och deen éischten Optrëtt am Grupp G vum Robert Mann. De Lëtzebuerger Badminton-Spezialist kënnt och fir d'Olympesch Summerspiller d'nächst Joer zu Tokio a Fro.

De Géigner de Méindeg de Mëtteg war de staarke Russ Vladimir Malkov. De 34 Joer ale Sportzaldot huet sech mat 0:2 (17:21, 14:21) géint de Malkov misse geschloe ginn, deen d'Nummer 60 op der Welt ass. En Dënschdeg kritt de Cosl-Athlet et mat engem Spiller aus dem Aserbaidschan ze dinn.

Robert Mann verléiert säin éischte Gruppematch
e 34 Joer ale Sportzaldot huet sech mat 0:2 (17:21, 14:21) géint de Russ Vladimir Malkov misse geschloe ginn, deen d'Nummer 60 op der Welt ass.