Exzellent Nouvelle kommen aus dem Schwammen. De Raphaël Stacchiotti huet op der Schwamm-WM a Südkorea säin Ticket fir d'Olympesch Spiller 2020 zu ageléist.

E Mëttwoch de Mëtteg eiser Zäit ass de Raphaël Stacchiotti an der Halleffinall iwwer 200 Meter 4Nages de 16 ginn. De Lëtzebuerger huet a senger Course als 8. no 2 Minutten a 26 Honnertstel ugeschloen.

De Stacchiotti hat sech e Mëttwoch de Moien an de Virleef fir d'Olympesch Spiller 2020 zu Tokio qualifizéiert a war mat 1 Minutt, 59 Sekonnen an 62 Honnertstel fir d'éischte Kéier ënnert 2 Minutte bliwwen.

Fir de Lëtzebuerger war et e Mëttwoch de perfekten Dag an och no senge Courssen huet hie sech schwéier gedoen, déi richteg Wierder ze fannen.

AUDIO: Extrait Raphaël Stacchiotti

Qualifikatioun fir d'Olympesch Spiller

Iwwer 200 Meter 4 Nages war de 27 Joer ale Sportzaldot e Mëttwoch de Moien an de Virleef mat 1 Minutt, 59 Sekonnen an 62 Honnertstel, fir d'éischte Kéier ënnert den zwou Minutte bliwwen. De Raphaël Stacciotti hat sech domadder als 14. fir d'Halleffinall qualifizéiert.

Mat dëser Zäit huet hie säin ale Landesrekord vun 2 Minutten an 21 Honnertstel vun de Spiller 2016 zu Rio de Janeiro däitlech verbessert a bleift fënnef Honnertstel ënnert der A-Norm fir d'Olympesch Spiller zu Tokio.

Sech fir d'Tokio 2020 ze qualifizéieren war dem Raphaël Stacchiotti säi grousst Zil. An enger éischter Reaktioun huet hie sech dann och méi wéi zefridde gewisen, datt hien et endlech gepackt huet, fir ënner 2 Minutten ze bleiwen a fir d'4. Kéier den Ticket fir d'Olympesch Spiller geléist ze hunn.

AUDIO: Extrait Raphaël Stacchiotti (2)

Ganz zefridde war de Lëtzebuerger mat senger Course net, well et nach ëmmer Klengegkeete ginn, wou an Zukunft nach Verbesserunge méiglech sinn.

AUDIO: Extrait Raphaël Stacchiotti (2)