Um Freideg de Mëtteg ass d'Ekipp vum F91 Diddeleng, déi eng Victoire an der Europa League Gruppephas feiere konnten, um Findel empfaange ginn.

Et war e verréckten Futtball Owend zu Nikosia an Zypern. Den F91 Diddeleng huet et do fäerdeg bruecht als éischt Lëtzebuerger Ekipp 3 Punkten an der Europa League ze kréien.

Mat deem nach jonke Kader hunn déi Diddelenger eng aussergewéinlech Prestatioun ofgeliwwert an d'Zyprioten, déi  Favorit waren, dominéiert.

Resumé a Reaktiounen: Diddeleng wënnt zu Nikosia
3 Punkten, 570.000 Euro a vill Prestige hunn déi Diddelenger domadder mat Heem bruecht.

Um Freideg de Mëtteg sinn déi Diddelenger dunn um Findel gelant a goufen hei vu gutt gelaunte Supporter empfaangen. D'Stëmmung war, wéi sollt et anescht sinn, no dëser historescher Victoire ganz gutt. Souwuel bei de Fans, wéi och bei de Spiller.

No Victoire vun Diddeleng: Reaktiounen um Dag dono
Um Findel hate sech vill Supporter afonnt, fir d'Ekipp z'empfänken.