Eng gutt Leeschtung gouf et awer nees vum Eléonora Molinaro, déi géint d'Nummer 82 op der Welt an hirem Eenzelmatch gewanne konnt.

Um zweeten Dag vum Fed Cup am Tennis gouf et nees eng 1:2 Néierlag fir d'Lëtzebuerger Dammen.

Lëtzebuerg-Serbien / Reportage vum Rich Simon

Entscheedend Victoire fir Serbien

Am Doubel  sinn d'Eléonora Molinaro an d'Tiffany Cornelius géint de serbeschen Duo Aleksandra Krunic / Nina Stojanovic ungetrueden. Konnte si am éischte Saz nach mathalen, dee si 4:6 hu misste verluer ginn, war déi serbesch Koppel am zweete Saz awer méi staark. Dëse konnte si du kloer mat 6:2 fir sech entscheeden.

D'FLT-Damme spillen elo um Samschdeg géint den Ofstig aus dem Europa/Afrika Grupp 1.

Molinaro gläicht aus

D'Eléonora Molinaro huet och en Donneschdeg eng ganz staark Leeschtung gewisen an hire Match géint d'Nina Stojanovic iwwerraschend kloer gewonnen. D'Lëtzebuergerin, déi aktuell an der Weltranglëscht op Plaz 254 steet, huet sech an 2 Sätz mat zweemol 6:3 géint d'Nummer 82 op der Welt duerchgesat.

Keng Chance fir Correia

D'Laura Correia hat deen éischte Simple vum Dag an 2 Sätz mat 1:6 an 2:6 géint d'Olga Danilovic verluer. D'Serbin ass aktuell d'Nummer 174 op der Welt. D'Laura Correia huet kee Ranking.

Fed Cup: Defaite fir Laura Correia / Rep. Rich Simon
Fed Cup: Eléonora Molinaro klappt Nummer 82 op der Welt
No der 1:2-Defaite géint Schweden, kruten d'Lëtzebuergerinnen et um Donneschdeg am Fed Cup mat Serbien ze dinn.

Um 1. Dag haten d'FLT-Dammen no gudder Leeschtung mat 1:2 géint Schweden verluer.