Wéi de "Kicker" gemellt hat, géif de Plang fir déi aktuell Bundesliga-Saison ob en Enn ze spille feststoen. Den DFL dementéiert dëst awer kloer!

Um éischten oder um zweete Weekend am Mee soll de Ball an der éischter an zweeter däitscher Liga nees rullen, esou hat dat op alle Fall "Kicker" gemellt. Dëst géif dem DFL awer op kee Fall stëmmen. An der Woch sollten, esou d'Meldung vu Kicker, nëmme Matcher nogespillt ginn, déi virum 26. Spilldag ofgebrach goufen, fir esou vill wéi méiglech englesch Wochen ze evitéieren.

Et sollt och eng Iddi ginn, den DFB-Pokal an d'Champions- an Europa-League-Matcher an der Woch nozehuelen.

Déi däitsch Fussball Liga dementéiert de Spillplang awer, deen e Samschdeg de Mëtteg vun der Fachzäitschrëft "Kicker" verëffentlecht gouf.

Den DFL huet dat och op Twitter dementéiert: Et géing kee Spillplang feststoe fir de Rescht vun dëser Saison. Dat wier och realitéitsfriem, wann een déi aktuell Situatioun vun der Corona-Pandemie gesäit.