Esou dierft dann och nees am Kampf- an Ekippesport mat Kierperkontakt trainéiert ginn.

Den neie Projet de Loi gesäit fir, dat all Restriktiounen am Sport opgehuewe ginn. Dat huet de Sportminister Dan Kersch vis-à-vis vun RTL am fréien Donneschdeg Owend confirméiert.

Reaktioun Dan Kersch/Reportage Rich Simon

Wann ee gesäit, dass am Beräich vum Sport ee Verantwortungsgefill do ass, da gëtt et kee Grond déi Beschränkungen zu dësem Ament oprecht ze erhalen. Ech wëll net ausschléissen, wann Zuelen sech dramatesch géife verschlechteren, dass een dann nees op verschidde Mesuren zeréckkënnt. Och dat soll een éierlecherweis soen. Mir hoffen, dass dat net geschitt.

Den Dan Kersch huet keng Bedenken, dass d'Ophiewe vun de Restriktiounen am Sport d'Riicht, juristesch gesinn, net kéint halen.

Reng juristesch besti keng Barrièrë méi. Et ass nees alles erlaabt. Dat verhënnert awer net, dass een déi Sécherheetskonzepter, déi ee vun de Federatiounen ausgeschafft huet, och bäibehält. Ech mengen och, dass d'Vertrauen an hir Traineren géif drënner leiden, wann dat net méi géif agehale ginn. Dofir nach eng Kéier: Juristesch besti keng Barrière méi, mee et gi Sécherheetskonzepter an de Principe de Précaution soll nach ëmmer gekuckt ginn.

Den direkte Kontakt am Sport war lo bis elo nach verbueden.
Jo mir haten nach eng grouss Beschränkung zwar datt et verbueden war Kierperkontakt ze hunn, an mam neie Projet de Loi fält, dat elo ewech. Dat ass dat wat sech d'Sporstwelt gewënscht huet. Lo huet d'Regierung hir Aarbecht gemaach. De Ball leit elo bei der Chamber a beim Staatsrot.

De Sportminister huet et gesot..., séier gestëmmt kréien, dat kéint a ronn enger Woch de Fall sinn:

Et geet jo och beim Projet de loi drëm Aschränkunge bei Privatpartyen anzeféieren, dofir ginn ech dovun aus, datt mer nodeems d'Chamber e gestëmmt huet, an de Staatsrot säin Avis driwwer ofginn huet, mir bis den 12.-13. Juli dëse Projet de loi kënnen en vigeur hunn.

Dat heescht datt vun deem Moment un, wou d'Gesetz a Kraaft trëtt d'Sportswelt hei zu Lëtzebuerg nees u sech normal ka fonctionéieren. D'Spectateuren hunn awer nach ëmmer d'Gestes Barrièren ze respektéieren, dat bedeit, datt wann et méi wei 20 Leit sinn, déi musse setzen, den 2 Meter Ofstand, respektiv d'Droen vun der Mask, agehalen muss ginn.