Um Freideg de Moien huet den F91 Diddeleng via Communiqué matgedeelt, dass hire President Romain Schumacher mat "effet immédiat" demissionéiert huet.

E bleift awer am Verwaltungsrot vum F91.

De Romain Schumacher bleift weider trei dem F91 verbonnen, wéilt sech och net an engem anere Club engagéieren. Mä esou kéint d'Direktioun besser iwwer den neie Projet vum F91 Diddeleng nodenken, heescht et am Communiqué.

Romain Schumacher: An deem Kontext ass et gutt wann nei Käpp dohinner kommen. Ech lafe jo net fort, wéi verschidde Leit dat mengen, ech wäert och an Zukunft punktuell eng Hand mat upaken. Obschonn ech mech eng Kéier op RTL schlecht driwwer ausgedréckt hat, war et ni a mengem Kapp op Hesper ze goen. Wat mäi Successeur ugeet... et si vill kompetent Leit a mengem Conseil déi ech mir ka virstellen ouni ee präzis ze nennen.

Den F91 wëll deemnächst déi nei intern Organisatioun matdeelen.