Ënnerstëtzt gouf si u Land an am Waasser. Intresséierter konnte sech aschreiwen, fir en Deel vun der Streck matzeschwammen a fir de gudden Zweck ze spenden

D'Lëtzebuergerin, déi 2017 schonns duerch den Äermelkanal geschwommen ass, ass am Ganzen 32, 3 km duerch de Stauséi geschwommen. Dat Ganzt am Kader vum Plooschterprojet a géint 17.30 Auer ass d'Paule Kremer ukomm.

Den eigentleche Projet, nämlech duerch de Santa Catalina-Kanal an den USA ze schwammen,m ass wéinst der Corona-Pandemie an d'Waasser gefall.

Catalina-Stau-Challenge / Reportage Jeff Kettenmeyer

"Nodeems ech den Äermelkanal geschwomme sinn, wosst ech ganz laang net, wat ech sollt maachen. An dunn ass d'Iddi vum Ocean's Seven komm an do ass de Catalina Kanal deen éischte logesche Schrëtt duerno. Dat sollt de 17. August sinn, ass awer wéinst Covid an d'Waasser gefall. Well ech mir awer en Challenge wollt setzen hunn ech dunn decidéiert, fir déi selwecht Distanz um Stau ze schwammen."

Den Training op den selwer ernannten Catalina-Stau-Challenge hat Héichten an Déiften.

"Den Training war net grad sou, wéi ech mir en virgestallt hunn, mä ech mengen, dat ass ville Sportler esou gaangen. Ech hu ganz vill elo an der Schwämm trainéiert, an elo och lauter laang Sortien am Stau gemaach. Ech hunn am Januar ugefaangen, mech op Catalina virzebereeden an am Mee ass dunn Decisioun gefall, fir et um Stau ze maachen."

D'Paule Kremer wäert e Samschdeg de Moien um 6 Auer zu Lëlz starten. Schwamm-Tier ginn et der 2, ee vun 6,6 km an ee méi klengen vun annerhallwen Kilometer. D'Arrivée vun den 32,3 km ass géint 17 Auer am freien Samschdeg Owend geplangt.