Iwwerdeems konnt Chelsea nach en 0:3 Réckstand géint West Brom ophuelen a Real Madrid klappt Real Betis knapps mat 3:2

Premier League

Brighton - Manchester United 2:3
1:0 Maupay (40'), 1:1 Dunk (43'), 1:2 Rashford (55'), 2:2 March (90+5'), 2:3 Fernandes (90+10')

D'Lokalekipp huet de Ball an den éischte Minutte gutt lafe gelooss an huet de Match géint de Favorit aus Manchester och bestëmmt. An der 40. Minutt huet Brighton sech dann och mam Gol zur Féierung belount. De Bruno Fernandes ass am Strofraum ze spéit an den Zweekampf komm an huet säi Géigespiller zum Fale bruecht. De Maupay huet vum Punkt d'Nerve behalen an den 1:0 geschoss. 3 Minutten drop ass dem Gaascht dann de glécklechen Ausgläich duerch e Selbstgol vum Dunk gelongen a sou ass et mat engem 1:1 an d'Paus gaangen.

Nom Säitewiessel krut Manchester dann e Gol vum Videoarbitter wéinst enger Abseitspositioun oferkannt, ma just 3 Minutte méi spéit huet de Rashford no engem schéinen Dribbling op 2:1 fir d'Gäscht gestallt. Duerno huet Manchester méi u Kontroll gewonnen. Zum Schluss hin huet déi knapp Féierung dann awer nach eng kéier gewackelt. An der 95. Minutt ass de Ball no enger Flank op den zweete Potto duerchgerutscht, wou de March mat der vermuttlech leschter Aktioun op 2:2 ausgläiche konnt. De Match war awer nach net fäerdeg a sou ass et an der 10. Minutt vun der Nospillzäit nach en Eelefmeter fir Manchester United ginn. De Fernandes ass ugetrueden a konnt mat sengem Gol d'Victoire fir de Gaascht sécheren.

West Brom - Chelsea 3:3
1:0 Robinson (4'), 2:0 Robinson (25'), 3:0 Bartley (27'), 3:1 Mount (55'), 3:2 Hudson-Odoi (70'), 3:3 Abraham (90+3')

Serie A

FC Turin -  Atalanta Bergamo 2:4
1:0 Belotti (11'), 1:1 Gomez (13'), 1:2 Muriel (21'), 1:3 Hateboer (42'), 2:3 Belotti (43'), 2:4 De Roon (54')

Cagliari - Lazio 0:2
0:1 Lazzari (4'), 0:2 Immobile (74')

Inter Mailand - Florenz 4:3
0:1 Kouamé (3'), 1:1 Martinez (45+2'), 2:1 Ceccherini (52'), 2:2 Castrovilli (57'), 2:3 Chiesa (63'), 3:3 Lukaku (87'), 4:3 D'Ambrosio (89')

Florenz ass duerch e fréie Gol vum Kouamé an der 3. Minutt a Féierung gaangen. Inter huet doropshin awer no enger Äntwert gesicht a konnt kuerz virum Säitewiessel am Numm vum Martinez ausgläichen.

Am zweeten Duerchgang huet de Ceccherini dann de Ball onglécklech an den eegene Gol geschoss an doduerch d'Féierung fir Inter hiergestallt. Gutt 10 Minutte méi spéit huet d'Bild vum Match dann awer nees ganz anescht ausgesinn. Duerch Goler vum Castrovilli an dem Chiesa ass Florenz de Comeback gelongen a sou ass et mat engem knappe Réckstand fir d'Lokalekipp an d'Schlussphas gaangen. An der 87. Minutt war et als éischt de Lukaku deen op 3:3 gestallt huet a just 2 Minutten drop huet den D'Ambrosio Inter nees a Féierung bruecht. Domat wënnt d'Ekipp aus Mailand no enger geckeger Schlussphas mat 4:3 géint Florenz.

Ligue 1

St. Etienne - Rennes 0:3
0:1 Aguerd (33'), 0:2 Guirassy (53'), 0:3 Hunou (90')

Marseille - Metz 1:1
0:1 Niane (71'), 1:1 Radonjic (90+5')

La Liga

Valencia - Huesca 1:1
1:0 Wass (38'), 1:1 Siovas (63')

Real Betis - Real Madrid 2:3
0:1 Valverde (14'), 1:1 Mandi (35'), 2:1 Carvalho (37'), 2:2 Emerson (48'), 2:3 Ramos (82')