E Mëttwoch war d'Suite vun de Véierelsfinalle vun de French Open bei den Dammen an den Hären.

D'Petra Kvitova konnt sech e Mëttwoch fir d'Halleffinall qualifizéieren. D'Tschechin huet sech mat zweemol 6:3 géint d'Laura Siegemund aus Däitschland duerchgesat.

An der Ronn vun de leschte 4 kritt si et elo mam Sofia Kenin ze dinn. Déi 21 Joer al Amerikanerin konnt sech an hirer Véierelsfinall mat 6:4, 4:6 a 6:0 géint hir Landsfra Danielle Collins ze dinn.

Bei den Hären huet sech de Stefanos Tsitsipas fir d'Halleffinalle qualifizéiert. De Griich huet sech kloer an 3 Sätz mat 7:5, 6:2 a 6:3 géint den Andrey Rublev aus Russland behaapt.

De Géigner vun der aktueller Nummer 6 op der Welt an den Halleffinallen ass den Novak Djokovic. D'Nummer 1 op der Welt huet sech a 4 Sätz mat 4:6, 6:2, 6:3 a 6:4 géint de Pablo Carreno Busta aus Spuenien duerchgesat. Se Serb hofft bei de French Open op säin 18. Grand-Slam-Titel.