RTL - ATP Finals: Thiem éischte Finalist no Krimi géint Djokovic

E Samschdeg stoungen am Tennis bei den ATP Finals zu London mat den Halleffinallen zwou grouss Affichen um Programm.

Dominic Thiem - Novak Djokovic (7:5, 6:7 (10:12), 7:6 (7:5))

Den Dominic Thiem huet bei den ATP Finals zu London de fënneffache Gewënner vun dësem Tournoi, den Novak Djokovic an 3 Sätz bezwongen an domat wéi schonn zejoert d'Finall erreecht.

Virun engem Joer war den Éisträicher an der Finall dem Griich Stefanos Tsitsipas ënnerleeën, dëst Joer ass de 27-järegen no enger enorm spannender Partie géint den "Djoker" nees ënnert de beschten 2. Den Thiem hat am Summer well d'US Open gewonnen.

Well done Dominic. You showed guts when you were down in the third set tiebreak and you deserved the win. It was pleasure competing with you once again. Amazing match. @ThiemDomi pic.twitter.com/mgQ6TMEDzH
— Novak Djokovic (@DjokerNole) November 21, 2020

Daniil Medvedev - Rafael Nadal (3:6, 7:6, 6:3)

Den Dominic Thiem kritt et an der Finall vun den ATP-Finals mam Daniil Medvedev ze dinn. Hie konnt sech e Samschdeg den Owend géint de Rafael Nadal behaapten.