Den Däitsche léisst senger Konkurrenz keng Chance a gewënnt d'Eenzelsprangen zu Ruka virum Piotr Zyla a virum Dawid Kubacki.

Nom 1. Duerchgang louch de Markus Eisenbichler beim Eenzelsprangen zu Ruka a Finnland mat 149 Meter mat iwwer 9 Punkte kloer a Féierung. Den Dawid Kubacki op der 2. Plaz sou wéi de Yukiya Sato op der 3. Plaz hate keng Chance géint den 29-järegen Däitschen, deen och schonns dat 1. Sprangen an dëser Saison konnt gewannen.

Dat nämmlecht Bild sollt sech och am 2. Duerchgang weisen. De Markus Eisenbichler deklasséiert seng Konkurrenz a gewënnt souverän och dat 2. Sprangen an dëser Saison. Hie gewënnt mat iwwer 19 Punkte Virsprong, eng aner Welt am Schisprangen. Op déi 2. Plaz kënnt de Pol Piotr Zyla a deen zweete Pol Dawid Kubacki kënnt op déi 3 Plaz.