Iwwerdeems huet a Portugal Nacional Funchal mam Vincent Thill verluer. Den FLF-Spiller souz 90 Minutten op der Bänk.

Am belsche Championnat huet Standard Léck auswäerts mat 1:0 géint Cercle Bruges (Plaz 17 an der Tabell) gewonnen. Den decisive Gol huet de Lestienne an der 11. Minutt geschoss. De Laurent Jans stoung beim Standard net am Kader. An der Tabell steet Léck op der 8. Plaz an huet nëmmen 2 Punkte Retard op déi drëtte Plaz, bei där een an der Champions-League-Qualifikatioun dobäi wier.

Am portugisesche Championnat gouf et keen Asaz fir de Vincent Thill bei Nacional Funchal. Hie souz 90 Minutten op der Bänk. D'Ekipp vum Lëtzebuerger Nationalspiller huet sech no 90 Minutte misse mat 0:1 géint Moreirense geschloe ginn. An der Tabell steet Nacional Funchal no 13 Matcher op der 14. Plaz an huet just een Zwee-Punkte-Virsprong op d'Ofstigsplazen.

An der 2. Liga a Portugal huet Casa Pia mam Marvin Martins auswäerts mat 1:0 géint den Tabelleleschte Varzim gewonnen. De Lëtzebuerger stoung 90 Minutten um Terrain. An der Tabell huet Casa Pia no 16 Spilldeeg 22 Punkten an ass 9..

Keng Chance hat am griichesche Championnat Kreta géint PAOK. D'Ekipp bei där de Vahid Selimovic ënner Kontrakt steet huet an Ënnerzuel mat 0:3 géint den Tabellenzweeten de Kierzere gezunn. De Selimovic stoung déi 90 Minutten iwwer um Terrain. No 17 Spilldeeg huet Kreta 19 Punkten um Kont a steet op der 9. Plaz, dat mat engem Retard vu 5 Punkten op eng Plaz am Championship-Grupp.

An der 2. Bundesliga huet de Karlsuher SC mat 3:2 bei Holstein Kiel gewonnen. Karlsruhe steet aktuell op der 6. Plaz an der Tabell an ass 5 Punkte vun enger Opstigsplaz ewech. Bei der Victoire net mat dobäi war e Sonndeg den Dirk Carlson. De Lëtzebuerger Nationalspiller jo fält wéinst Réckeproblemer fir op d'mannst 3 bis 4 Wochen aus.

Samschdeg

An der belscher Jupiler League verléiert den Danel Sinani, deen no 45 Minutten ausgewiesselt gouf, mat Waasland-Beveren däitlech mat 1:5 géint Waregem. An der Tabell steet Waregem op der 9. Plaz. Waasland-Beveren sinn dogéint déi 18. an domadder déi Lescht. De Veräin vum Lëtzebuerger Nationalspiller huet no 21 Spilldeeg nëmmen 19 Punkten um Kont.

An der éischter hollännescher Divisioun gouf de Mica Pinto iwwerdeems an der 62. Minutt bei Sparta Rotterdam agewiesselt. Um Enn verléiert säi Veräin awer mat 3:5 géint de PSV Eindhoven.

An der 3. däitscher Liga koum Kaiserslautern ënnert dem Jeff Saibene géint den SC Verl net iwwert een 1:1-Remis eraus a domat verpasst d'Ekipp vum Lëtzebuerger Trainer wichteg Punkten an der Lutte ëm de Maintien am däitsche Profifuttball. Et war well deen eelefte Remis fir d'Ekipp vum Lëtzebuerger an dat am 19. Match an dëser Saison. D'Allersronn ass um Samschdeg op en Enn gaangen. Mat 20 Punkte steet Kaiserslautern op der 16. Plaz an der Tabell, direkt virun den Ofstigsplazen.

An der 1. däitscher Bundesliga huet Mainz mam Leandro Barreiro 1:1 géint Dortmund gespillt. De Lëtzebuerger war iwwer 90. Minutten um Terrain.