Bei den Damme konnt sech d'Julia Simon am Massestart zu Antholz am Sprint géint d'Hanna Öberg duerchsetzen.

Fir d'Häre stoung zu Antholz an Italien eng Staffel-Kompetitioun iwwer 4 Mol 7,5 Kilometer um Programm. An enger spannender Schlussronn konnt de Fransous Emilien Jacquelin de Norweger Johannner Thingnes Boe nach iwwerhuelen a senger Natioun domat d'Victoire sécheren. Zweet goufen d'Norweger, déi trotz enger Strofronn vum Johannes Dale viru Russland gelant waren, déi hirersäits am Sprint virun der Arrivée nach Däitschland iwwerhuel konnten.

Bei den Damme stoung iwwerdeems ee Massestart zu Antholz iwwer 12,5 Kilometer um Programm. Nodeems d'Athletinnen de Schéissstand 4 mol absolvéiert haten, war et um Enn d'Fransousin Julia Simon, déi sech d'Victoire am Sprint virun der Schwedin Hanna Öberg séchere konnt. Ob der drëtter Plaz konnt sech d'Lisa Theresa Hauser aus Éisträich feiere loossen.

Am General bleift d'Marte Olsbu Röiseland iwwerdeems weiderhin a Féierung, dëst mat 8 Punkten Avance op d'Tiril Eckhoff a 9 Punkten op d'Hanna Öberg.