An den Aachtelsfinallen hat den Éisträicher Thiem näischt zegutt géint de Bulgar Dimitrov. Um Enn stoung et 4:6, 4:6 an 0:6.

Bei den Hären hat den Dominic Thiem, Nummer 3 op der Welt, e Sonndeg de Moie fréi eiser Zäit net vill ze gutt géint de Grigor Dimitrov. De Bulgar, aktuell op Plaz 18 an der Weltranglëscht, huet sech iwwerraschend souverän an 3 Sätz 6:4, 6:4 a 6:0 géint den Éisträicher duerchgesat an ass domat elo an der Véierelsfinall. Hei trëfft hien op de Russ Aslan Kasbekowitsch Karazew, deen a 5 Sätz géint de Kanadier Félix Auger-Aliassime gewonnen hat.

Den Zverev trëfft op de Novak Djokovic. De 33-järege Serb huet sech um Sonndeg de Mëtteg eiser Zäit a 4 Sätz mat 7:6, 4:6, 6:1 a 6:4 géint de Kanadier Milos Raonic duerchsetzen.

Bei den Dammen huet d'Serena Williams sech fir d'Véierelsfinall qualifizéiert. D'US-Amerikanerin huet sech an 3 Sätz géint d'Aryna Sabalenka aus Belarus duerchgesat. Déi 39 Joer al Sportlerin strieft hir 24. Grand-Slam-Victoire un, dat ass bis ewell nëmmen der Margaret Court gelongen. De Roger Federer an de Rada Nadal hunn allen 2 bis ewell 20 Grand-Slam-Titelen.

D'Japanerin Naomi Osaka an d'Hsieh Su-Wei aus Taiwan konnte sech an den Aachtelsfinallen duerchsetzen. Och d’Simona Halep huet sech fir d’Véierelsfinalle qualifizéiert. D’Rumänin, aktuell Nummer 2 op der Welt, huet sech an 3 Sätz géint d’Iga Swiatek aus Polen duerchgesat a kritt et elo mam Serena Williams ze dinn.