Am Tennis setzt déi aktuell Gewënnerin vun den US-Open, Naomi Osaka, sech géint hir Kontrahentin Su-Wei aus Taiwan kloer mat 6:2, 6:2 duerch.

Si steet domat als éischt Spillerin an der Halleffinall vun den Australian Open. 2019 hat si schonn eng Kéier den Titel zu Melbourne gewonnen. Elo trëfft si op d'Amerikanerin Serena Williams, déi 2 mol mat 6-3 géint d'Rumänin Simona Halep gewonnen huet.

Am Tennis huet d'Nummer 1 bei den Dammen, Ashleigh Barty, sech an der Véierelsfinall vun den Australian Open no 3 Sätz musse géint d'Tschechin Karolina Muchova geschloe ginn. Fir d'Nummer 27 an der Weltranglëscht ass et déi éischte Kéier, dass si bei engem Grand-Slam an der Halleffinall steet.

Bei den Hären huet um Dënschdeg den Däitschen Alexander Zverev géint déi aktuell Nummer 1 vun der Welt Novak Djokovic verluer. Dësen huet den Titel zu Melbourne schonn 8 Mol gewonnen, ma ass wuel geplot mat Wéi am Beräich vun de Bauchmuskelen. Nawell huet hie sech op en Neits duerchgesat a seet elo an der Halleffinall.

De Qualifikant Aslan Karatsev suergt da weider fir Iwwerraschungen. Hie ka sech a 4 Sätz géint de Grigor Dimitrov behaapten, dat mat 4-6, 6-4, 6-1 a 6-2. De Russ steet domat an der Halleffinall vun den Australian Open an trëfft hei op den Novak Djokovic. Et ass och déi éischte Kéier, datt d'Nummer 114 an der Weltranglëscht iwwerhaapt bei engem Grand Slam dobäi ass.