E Mëttwoch de Moien eiser Zäit stoungen déi lescht Véierelsfinalle bei den Australian Open um Programm.

Bei den Häre konnt sech den Daniil Medvedev an engem reng russeschen Duell kloer mat 7:5, 6:3 a 6:2 géint den Andrey Rublev duerchsetzen. Fir de Medvedev war et schonns déi 19. Victoire hannerteneen. An der Halleffinall gëtt hien elo awer richteg op d'Prouf gestallt. Do muss hien nämlech géint de Stefanos Tsitsipas untrieden, dee mat 3:6, 2:6, 7:6, 6:4 a 7:5 géint de Rafael Nadal gewonnen huet. Deemno stinn d'Halleffinalle fest.

Aslan Karatsev - Novak Djokovic

Den Novak Djokovic steet fir d'néngte Kéier an der Finall vun den Australian Open. De Serb huet sech en Donneschdeg de Moien an 3 Sätz géint de Qualifikant Aslan Karazew mat 6:3, 6:4 a 6:2 duerchgesat an huet dem Russ deemno keng Chance gelooss. An der Final e Sonndeg trëfft de Serb entweder op den Titelverdeedeger Danil Medwedes oder de Griich Stefanos Tsitsipas.

Stefanos Tsitsipas - Daniil Medvedev

Bei den Damme konnt sech d'Jennifer Brady aus den USA mat 4:6, 6:2 a 6:1 géint hir Landsfra Jessica Pegula behaapten a steet domat an der Halleffinall. Hei kritt si et elo mat der Tschechin Karolina Muchova ze dinn. D'Tschechin konnt sech op en Neits iwwerraschend duerchsetzen, déi Kéier géint d'Lokalmatadorin Ashleigh Barty. Domat sinn och bei den Dammen elo d'Halleffinalle komplett.

Naomi Osaka - Serena Williams

Et gëtt näischt mam 24 Grand Slam Titel fir d'Serena Williams. Bei den Australian Open, dem éischte Grand Slam Tournoi vum Joer am Tennis, gouf d'Amerikanerin vum Naomi Osaka an der Halleffinall kloer an 2 Sätz mat 3:6 a 4:6 eliminéiert. Japanerin trëfft elo an der Final op d'Amerikanerin Jennifer Brady, wat sech an der zweeter Halleffinall géint Tschechien Karolina Muchova duerchsetze konnt.

Jennifer Brady - Karolina Muchov