Daniil Medvedev géint Novak Djokovic. Esou heescht d'Finall bei den Australian Open am Tennis.

De Russ konnt sech e Freideg de Moien an der zweeter Halleffinall géint de Griich Stefanos Tsitsipas an 3 Sätz behaapten.

Am direkten Duell tëschent deenen zwee Spiller steet et aktuell 4:3 fir den Djokovic, ma d'Nummer 1 vun der Welt huet awer déi lescht Partie géint de Medvedev verluer. Dat war bei den ATP-Tour-Finals am November 2020 zu London. Falls de Serb sech duerchsetzt, wier et säin 18. Grand-Slam-Titel a senger Karriär.

Fir de Medvedev ass et déi zweete Finall bei engem Grand Slam no de US Open 2019. Hie kéint e Sonndeg säin éischte Grand-Slam-Titel gewannen.

D'Finall tëschent dem Djokovic an dem Medvedev ass e Sonnden de Moien um 9.30 Auer eiser Zäit.