Iwwerdeems huet Karlsruhe ouni den Dirk Carlson a leschter Sekonn mat 0:1 géint Nürnberg verluer. De KSC huet no 9 Matcher domat mol nees e Match verluer.

Um Sonndeg de Mëtteg ass den Oli Thill an der 1. Liga an der Ukrain mat Worskla Poltawa géint Inhulets ugetrueden. De Lëtzebuerger stoung an der Startformatioun an ass an der 69. Minutt fir de Kravchuk ausgewiesselt ginn. No engem Eelefmeter fir Poltawa an der 75. Minutt kann d'Ekipp vum Oli Thill um Enn 2:2-Gläich spillen.

Dynamo Kiew huet mam Gerson Rodrigues an der Nospillzäit den 1:1-Gläich geschoss an esou nach 1 Punkt géint Desna geholl. De Lëtzebuerger stoung déi 90 Minutten um Terrain a krut an der 69. Minutt eng Giel-Kaart.

Léck huet um Sonndeg den Owend mat 2:3 an der 1. Liga an der Belsch géint Waregem verluer. Ouni de Laurent Jans, deen net am Kader vu Léck stoung, gouf et eng 2:3 Néierlag.

D'Young Boys Bern hunn iwwerdeems an der Schwäiz eng weider Victoire gefeiert. No der Victoire ennert der Woch géint Leverkusen an der Europa League ass d'Ekipp vum Christopher Martins géint Servette ee 2:0 gelongen. De Lëtzebuerger Nationalspiller feelt weiderhi verletzt.

An och de Vahid Selimovic war net am Kader bei Kreta. An der 1. Liga a Griicheland verléiert Kreta mat 0:1 géint Giannina.

An der 2. Bundesliga huet Karlsruher ouni de verletzten Dirk Carlson eng ganz batter Néierlag missen astiechen. Laang huet et no engem 0:0-Gläichspill ausgesinn. An der 90. Minutt ass Nürnberg a Persoun vum Möller Daehli awer de Luck Punch gelongen a gewënnt esou mat 1:0 zu Karlsruhe. Am  Kampf em den Opstig an déi 1. Liga eng ganz onglécklech Néierlag fir de KSC.

Samschdeg

Eng wichteg 2:1-Victoire konnt de Leandro Barreiro mat Mainz géint Gladbach feieren. De Barreiro stoung vun Ufank un um Terrain a gouf an der 81. Minutt ausgewiesselt. Mainz huet elo just nach 1 Punkt Réckstand op d'Relegatiounsplaz.

An der 3. Liga an Däitschland ass de Maurice Deville mat Saarbrécken op 1860 München getraff. Um Enn konnte si sech mat 2:1 duerchsetzen. De Lëtzebuerger Nationalspiller gouf an der 78. Minutt ausgewiesselt a war um zweete Gol an der 64. Minutt bedeelegt.

An der 2. Liga a Portugal krut de Marvin Martins mat Casa Pia et mat Vizela ze dinn. Um Enn verléiert Casa Pia mat 1:3. De Marvin Martins gouf an der 89. Minutt ausgewiesselt.

Eng Néierlag huet och den Enes Mahmutovic an der 1. Ukrainescher Liga mat Lviv géint Kolos Kovalivka erlieft. De Lëtzebuerger stoung de ganze Match iwwer als zentrale Verdeedeger um Terrain.

An der 1. Liga a Portugal krut Nacional Funchal et mat Belenenses Lissabon ze dinn an huet mat 1:2 de Kierzere gezunn. Bei Funchal souz de Vincent Thill de ganze Match op der Bänk.

Freideg

E Freideg den Owend war ee Lëtzebuerger Futtball-Nationalspiller am Ausland am Asaz. An der 2. Divisioun an der Belsch huet sech Royale Union St. Gilloise mat 2:0 zu Seraing duerchgesat. Den Anthony Moris stoung bei de Gäscht déi 90 Minutten iwwer tëscht de Pottoen. An der Tabell steet d'Ekipp vum Lëtzebuerger Nationalspiller souverän un der Spëtzt. No 20 Spilldeeg huet een e Virsprong vun 18 Punkten op Seraing.