E Samschdeg de Mëtteg stoung bei der Schi-Weltmeeschterschaft mam Slalom bei den Hären déi lescht Course um Programm.

Et war spannend bis zum Schluss, virun allem well nom éischten Duerchgang eng ganz Partie Athleten no beienee waren. Hei louch den Adrian Pertl 14 Honnertstel virum Alex Vinatzer a 16 Honnertstel virum Sebastian Foss Solevåg.

Am zweete Duerchgang ass dem Sebastian Foss Solevåg dunn ee richteg gudde Laf gelongen an dowéinst kann den Norweger sech och d'Goldmedail sécheren. Sëlwer geet un den Adrian Pertl. Bronz geet un den zweeten Norweger, den Henrik Kristoffersen, dee sech och am zweeten Duerchgang immens steigere konnt.

Aus Lëtzebuerger Siicht war de Matthieu Osch um Depart. Am éischten Duerchgang koum hien op déi 42. Plaz mat knapp 8 Sekonne Retard. Am zweeten Duerchgang konnt sech de Lëtzebuerger nach emol däitlech verbesseren, sou datt um Enn déi gutt 28. Plaz erausgesprongen ass.