Iwwerdeems spillt Barcelona nëmmen 1:1-Remis. An Däitschland klappt Leipzig Hertha. West Ham klappt Tottenham a Leicester Aston Villa.

Bundesliga

FC Augsburg - Bayer Leverkusen 1:1
1:0 Niederlechner (5'), 1:1 Tapsoba (90+4')

Laang huet et dono ausgesi wéi wann Leverkusen och zu Augsburg géing Plomme leie loossen. De FCA huet an der Ufanksphase vun engem schroe Feeler vum Bayer Golkipp Lomb profitéiert, sou dass no der fréier Féierung vum Niederlechner an der 5. Minutt Augsburg sech zeréck gezunn huet a Leverkusen d'Spill gemaach huet, ouni sech awer eng gutt Golchance sech ze erspillen. Nom Säitewiessel huet Leverkusen de Drock erhéicht an ass mam Diaby ëmmer erëm geféierlech virum Gikiewicz opgedaucht. Et huet awer bis zur 4. Minutt an der Nospillzäit gedauert éier de Tapsoba den erléisende Gol fir d'Gäscht markéiert huet. Alles an allem geet den 1:1-Gläich fir béid Ekippen an d'Réi. Domat kann Augsburg och am 20. Match géint Leverkusen an der 1. Bundesliga net géint d'Werkself gewannen.

Hertha Berlin - RB Leipzig 0:3
0:1 Sabitzer (28'), 0:2 Mukiele (71'), 0:3 Orban (84')

D'Sachsen hunn mat 100 à l'heure ugefaangen an Hertha direkt ënner Drock gesat. Hertha krut sech awer am Laf vum Match gefaangen a stoung relativ stabil an der Defense. An der 28 Minutt konnt awer weder Defense nach de Golkipp eppes um Sabitzer sengem Schoss maachen, een herrlechen Distanzschoss huet säi Wee an de Gol fonnt, sou dass Leipzig mat 1:0 an d'Paus gaangen ass. D'Virentscheedung ass dunn an der 71. Minutt duerch de Mukiele gefall. Kuerz dorops huet mam Orban e weideren Defenseur sech an d'Scorerlescht agedroen an esou gewënnt Leipzig verdéngt mat 3:0 zu Berlin. No der Néierlag vu Bayern géint Frankfurt um Samschdeg ass Leipzig elo nëmmen nach 2 Punkten hannert Bayern. 

TSG Hoffenheim - Werder Bremen 4:0
1:0 Bebou, 2:0 Baumgartner, 3:0 Dabbur (49'), 4:0 Rutter (90')

Premier League

West Ham United - Tottenham Hotspur 2:1
1:0 Antonio (5'), 2:0 Lingard (47'), 2:1 Lucas (64')

West Ham ass e Start no Mooss gelongen. De Antonio huet an der 5. Minutt no Viraarbecht vum Bowen am schnellste reagéiert an huet de Score op 1:0 gesat. An och déi zweet 45 Minutte si mat engem Schock fir Tottenham ugaangen. De Lloris war beim stramme Schoss vum Lingard ouni Chance an esou stoung et no 47. Minutten 2:0 fir d'Lokalekipp. Trotz 20 zu 4 Golschëss fir d'Ekipp vum Trainer Mourinioh ass et de Spurs bis op den Uschlossgol vum Lucas net gelongen eppes Produktives aus hire Chancen ze maachen, sou dass sie am Mëttelfeld vun der Premier League hänke bleiwen.

Aston Villa - Leicester City 1:2
0:1 Maddison (19'), 0:2 Barnes (23'), 1:2 Traore (48')

Arsenal London - Manchester City 0:1
0:1 Sterling (2')

Den entscheedende Gol vum Dag huet de Sterling schonn's no 2 Minutte geschoss. Dono huet City relativ stabil an der Defense gestanen an Arsenal huet offensiv versicht d'Mauer ze briechen, wat awer net gelongen ass. D'Skyblues hunn de Match ouni gréisser Akzenter erof gespillt a gewannen esou hiren 18 Match um Stéck. Fir Arsenal gëtt et ëmmer méi schwéier nächste Joer europäesch ze spillen.

Serie A

AC Mailand - Inter Mailand 0:3
0:1 Martinez (5'), 0:2 Martinez (57'), 0:3 Lukaku (66')

Inter ass e perfekte Start an dësem Derby gelongen. De Lukaku ass iwwert d'Säit mat senger Schnellegkeet der Defensiv vu Milan dervu gelaf a huet an der Mëtt de Martinez fonnt deen de Ball an de Gol gekäppt huet. D'Ekipp vum Antonio Conte ass weider um Ball bliwwen an hat weider Chancen duerch de Lautaro a Lukaku. Milan hat mam Theo duerch e Distanzschoss eng super Chance, säi Schoss ass awer knapp's laanscht de Potto gaangen, sou dass Inter mat 1:0 an der Paus a Féierung louch. An engem intensivem Match war den AC no der Paus déi besser Ekipp an huet Richtung Ausgläich gedréckt.  Bannen 10 Minutten huet Inter dunn awer fir d'Virentscheedung am Derby della Madonnina gesuergt. Martinez mat sengem 2 Gol an de Lukaku per Distanzschoss maachen um Enn den Ënnerscheed. Inter gewënnt mat 3:0 a huet elo 4. Punkte Virsprong an der Tabell op den AC.

Atalanta Bergamo - SSC Neapel 4:2
1:0 Zapata (52'), 1:1 Zielinski (58'), 2:1 Gosens (64'), 3:1 Muriel (71'), 3:2 Gosens (76'), 4:2 Romero (79')

Ligue 1

OGC Nice - FC Metz 1:2
0:1 Kouyate (15'), 0:2 Gueye (38'), 1:2 (Gouiri (61')

FC Lorient - OSC Lille 1:4
0:1 Gravillon (21'), 1:1 Hergault (23'), 1:2 (Fonte (38'), 1:3 Ikone (59'), 1:4 Bradaric (90+1')

La Liga

FC Barcelona - CF Cadiz 1:1
1:0 Messi (32'), 1:1 Fernandez (89')

Barcelona huet virun allem an der 1. Hallschent flotte Futtball gewisen a si verdéngt duerch een Eelefmeter an der 32. Minutt duerch de Messi a Féierung gaangen. 2 weider Goler goufen allerdéngs duerch zwou Abseits Positiounen net unerkannt. Nom Téi huet Cadiz sech awer méi zougetraut, ouni sech awer vill Chancen eraus ze spillen. Barcelona ass et awer och net gelonge fréizäiteg de Sack zou ze maachen. Kuerz viru Schluss krut Cadiz no engem Foul vum Lenglet een Eelefmeter zougesprach an huet tatsächlech nach den 1:1 markéiert. No 7 Victoiren um Stéck léisst Barcelona an der La Liga also mol nees Punkte leien.

Real Sociedad - Deportivo Alaves 3:0
1:0 Isak (41'), 2:0 Isak (49'), 3:0 Isak (62'), 4:0 Portu (73')