Iwwerdeems gewënnt Inter Mailand géint Genua. A Frankräich spillt Monaco 2:0 géint Brest an Tottenham klappt Burnley.

An och eng Rei Lëtzebuerger Futtballer waren um Sonndeg am Asaz. De Iwwerbléck fannt dir hei.

Bundesliga

Union Berlin - TSG Hoffenheim 1:1
1:0 Kruse (9'), 1:1 Schlotterbeck (Selbstgol, 29')

Beim Comeback vum Kruse ass Union fréi duerch een Eelefmeter a Féierung gaangen. Hoffenheim huet nom Réckstand e bësse gebraucht, ass dunn awer ëmmer besser an de Match komm. No 29. Minutten huet de Score 1:1 ugewisen, dat well de Schlotterbeck de Ball a säin eegene Gol gelenkt huet. Mam 1:1-Gläich ass et an d'Paus gaangen. Union ass mat vill Elan aus der Kabinn komm, de Baumann konnt awer eng schaarf Flank an der 47. Minutt entschäerfen. Béid Ekippen hate mam Kramaric a mam Pohjanpalo gutt Chancen, e Gol sollt awer net falen. Kuerz viru Schluss sollt Hoffenheim nach den 2:1 geléngen, de Gol gouf awer duerch de VAR annuléiert, sou dass de Match mat engem 1:1-Remis op en Enn gaangen ass.

Mainz 05 - FC Augsburg 0:1
0:1 Hahn (25')

Fir béid Ekippe stoung virum Match vill um Spill, geet et souwuel fir Mainz wéi och fir Augsburg drëms, fir sech an der Bundesliga ze halen. Grad zu deem Zäitpunkt wou Mainz de Match ënner Kontroll krut, ass dem Zentner en décke Feeler ënnerlaf. De Blackout vum Golkipp vu Mainz huet den Hahn ausgenotzt an Augsburg mat 1:0 a Féierung geschoss. Dëst sollt och d'Schlussresultat sinn.

Bayer Leverkusen - SC Freiburg 1:2
0:1 Demirovic (50'), 0:2 Holer (61'), 1:2 Bailey (70')

Premier League

Leicester City - Arsenal London 1:3
1:0 Tielemans (7'), 1:1 Luiz (40'), 1:2 Lacazette (45+2'), 1:3 Pepe (52')

Leicester ass perfekt an de Match komm, a louch no 6. Minutte scho mat 1:0 duerch e Gol vum Tielemans a Féierung. Dono stoung Leicester awer bal nëmmen nach hannendran an Arsenal huet de Match gemaach. Kuerz virun der Paus ass de Gunners du mam Luiz a Lacazette en Doppelschlag gelongen an de Match war gedréint. Och am 2. Duerchgang ass Arsenal um Ball bliwwen an esou huet de staarke Pepe mam 3:1 fir d'Schlussresultat gesuergt. Leicester ass senger Favoritteroll net gerecht ginn an esou kënnen d'Gäscht verdéngt 3 Punkte mat op London huelen.

Tottenham Hotspur - FC Burnley 4:0
1:0 Bale (2'), 2:0 Kane (15'), 3:0 Lucas (31'), 4:0 Bale (55') Tottenham ass e perfekten Optakt gelongen. De Bale huet no 2. Minutten d'Spurs mat 1:0 a Féierung geschoss. Tottenham ass weider um Drecker bliwwen an esou konnt d'Ekipp vum Mourinho an der 15.Minutt noleeën. Nach virun der Paus huet de Lucas de Score op 3:0 erhéicht an de Match war quasi entscheet. De Bale huet no der Paus nach säin 2. Gol an dësem Match konnte schéissen an esou gewënnt Tottenham souverän mat 4:0 géint Burnley.

Chelsea London - Manchester United 0:0

Am Topmatch vun der Premier League hu béid Ekippe sech näischt geschenkt an trenne sech no intensiven 90 Minutten 0:0. Chelsea hat wuel an der Ufanksphas déi besser Chancen, hat awer an der 15. Minutt Chance, dass Manchester United keen Eelefmeter gepaff krut. Den Hudson Odoi huet de Ball am Strofraum un d'Hand krut. Trotz dem VAR ass den Eelefmeter awer ausbliwwen. No der Paus hat dunn de Giroud eng déck Chance, mee ass um de Gea hänke bliwwen. United huet lues awer lues besser an de Match fonnt, ouni sech awer déi ganz grouss Chancen erauszespillen. Trotz allem war et en 0:0 vun der besserer Zort. D'Red Devils bleiwen op der 2. Plaz, Chelsea op der 5. Plaz.

Serie A

Sampdoria Genua - Atalanta Bergamo 0:2
0:1 Malinovsky (40'), 0:2 Gosens (70')

Atalanta Bergamo war vun Ufank un déi besser Ekipp an hëllt déi 3 Punkte verdéngt mat op Bergamo. An der Paus stoung et nom Gol vum Malinovskyi 1:0. Mat sengem 8. Gol an dëser Saison huet de Gosens mam 2:0 an der 70. Minutt fir d'Virentscheedung gesuergt. Mat der 2:0-Victoire steet Atalanta weider am Spëtzegrupp vun der Serie A.

Inter Mailand - CFC Genua 3:0
1:0 Lukaku (1'), 2:0 Darmian (69'), 3:0 Sanchez (80')

Inter Mailand bleift no der Victoire géint Genua weider un der Tabellespëtzt vun der Serie A. De Lukau huet direkt an der 1. Minutt de Grondstee fir d'Victoire geluecht, éier Darmian a Sanchez fir d'Entscheedung gesuergt hunn.

Ligue 1

AS Monaco - Stade Brest 2:0
1:0 Jovetic (76'), 2:0 Volland (90')

Monaco huet no enger gudder Leeschtung verdéngt 3. Punkte géint Brest gewonnen. An der 30. Minutt huet de Ben Yedder een Eelefmeter verschoss, sou dass Brest sech nach mat 0:0 an d'Paus rette konnt. Nom Säitewiessel hunn Monegassen hir Chancen awer genotzt an esou duerch Goler vum Jovetic a Volland mat 2:0 gewonnen. Monaco steet also weiderhin op der 4. Plaz an der Tabell.

OSC Lille - RC Stroossbuerg 1:1
0:1 Ajorque (36'), 1:1 Fonte (86')

La Liga

CF Cadiz - Betis Sevilla 0:1
0:1 Juanmi (84')