Nodeems d'FLF-Dammen an der Paus mat 0:1 am Réckstand louchen, hu Garcia a Marques de Match zu Gonschte vu Lëtzebuerg gedréint. 

E Sonndeg de Mëtteg huet d'Lëtzebuerger Dammefuttballnationalekipp ee Frëndschaftslännermatch géint Liechtenstein gespillt a dëse mat 2:1 gewonnen.

Um Sonndeg stoung a Liechtenstein den 53. Match an der Geschicht vun der FLF-Dammennationalekipp um Programm. Bei super Wiederkonditioune louchen d'Lëtzebuergerinnen no 36. Minutte mat 0:1 nom Gol vum Gerner a Réckstand. Mat dësem Resultat sollt et och an d'Paus goen.

An deenen zweete 45 Minutte sollten déi Rout Léiwinnen de Match dunn awer dréinen. Nodeems de Score an der 47. Minutt duerch d'Esteves Garcia ausgeglach konnt ginn, huet d'Marques an der 60. Minutt den 2:1 fir Lëtzebuerg geschoss. Bis zum Schluss war et eng intensiv Partie a kuerz viru Schluss wier nach bal den 3:1 gefall. D'Féierung sollte si iwwert d'Zäit bréngen an esou mat 2:1 géint Liechtenstein wannen.