No immens staarke 45 Minutten ass et fir de BVB eng souverän 5:0-Victoire géint den Zweetligist ginn. An der Finall geet et elo géint RB Leipzig.

An der Premier League ass et fir Manchester City duerch zwee Goler bannent zwou Minutten dräi Punkte ginn. Fir de PSG gouf et an der Ligue 1 eng wichteg Victoire géint Lens an a Spuenien konnt sech Atlético Madrid knapps géint Elche behaapten.

Méi spéit um Owend gouf et an der zweeter Halleffinall vum DFB Pokal eng kloer 5:0-Victoire fir Dortmund géint den Zweetligist Holstein Kiel.

DFB-Pokal

Dortmund - Kiel 5:0
1:0 Reyna (16'), 2:0 Reyna (23'), 3:0 Reus (26'), 4:0 Hazard (32'), 5:0 Bellingham (42')

Fir den Zweetligist war vun Ufank u kloer dass de Match zu Dortmund eng schwéier Partie gëtt. No enger roueger Véierelstonn hunn d'Haushären opgedréint an d'Kieler Ekipp domat komplett iwwerfuerdert. An engem Zäitraum vu 16 Minutten ass de Ball 4 Mol am Netz vun de Gäscht ageschloen, sou dass de Match no 32 Minutte sou gutt wéi entscheet war. Kuerz virun der Paus konnt de Bellingham dann nach op 5:0 erhéijen.

Am zweeten Duerchgang huet de BVB dann den Tempo e gutt Stéck verréngert. Och Kiel ass elo heiansdo an déi géignerescht Hallschent komm, ma sou richteg huet kee méi un e Wonner gegleeft. Dortmund huet déi kloer Féierung souverän iwwert d'Zäit bruecht an zitt domat an d'Finall vum DFB-Pokal an, wou et géint den RB Leipzig geet.

Premier League

Crystal Palace - Manchester City 0:2
0:1 Aguero (57'), 0:2 Ferran Torres

Déi éischt Hallschent huet d'Ekipp vu Manchester de Match bestëmmt, ma virum Gol war een net konsequent genuch fir a Féierung kënnen ze goen. Nom Säitewiessel huet sech dat awer geännert a sou konnten d'Gäscht bannent zwou Minutten zwee Goler markéieren. Den Aguero an de Ferran Torres konnten an der 57. an an der 59. Minutt op 2:0 stellen. Crystal Palace huet sech géint den Tabelleleader schwéier gedoen an eng Hoffnung de Match kënnen ze dréinen ass et net sou richteg ginn. Um Enn séchert sech Manchester City déi dräi Punkten an ass sou nëmmen nach eng Victoire vum Championstitel fort.

Chelsea - Fulham 2:0
1:0 Havertz (10'), 2:0 Havertz (49')

Serie A

Crotone - Inter Mailand 0:2
0:1 Eriksen (69'), 0:2 Hakimi (90+2')

AC Mailand - Benevneto 2:0
1:0 Calhanoglu (6'), 2:0 Theo (60')

Ligue 1

PSG - Lens 2:1
1:0 Neymar (33'), 2:0 Marquinhos (59'), 2:1 Ganago (61')

D'Partie am Parc des Princes zu Paräis huet e gutt Stéck gebraucht bis se an d'Rulle komm ass. No enger hallwer Stonn konnt den Neymar de PSG dann a Féierung bréngen a sou stoung et an der Paus 1:0 fir d'Lokalekipp. Nom Säitewiessel ass Lens da bësse méi zum Zuch komm, ma den zweete Gol vum Match koum da vum Marquinhos, dee per Kappball op 2:0 erhéije konnt. Lens ass zwou Minutten drop zwar den Uschlossgol zum 1:2 gelongen, ma de PSG huet an der Schlussphas näischt méi ubrenne gelooss a wënnt sou um Enn mat 2:1.

Lille - Nice 2:0
1:0 Yilmaz (13'), 2:0 Celik (55')

La Liga

Elche - Atlético Madrid 0:1
0:1 Llorente (23')

Real Madrid - Osasuna 2:0
1:0 Eder Militao (76'), 2:0 Casemiro (80')