An der Premier League ass d'Spëtzepartie tëscht Manchester United géint Liverpool wéinst Ausschreidungen ofgesot ginn.

Wärend d'Bundesliga dëse Weekend spillfräi hat, wéinst dem DFB Pokal, gouf an de weideren europäeschen Divisiounen awer gespillt.

Ënnert anerem gouf Inter Mailand an Italien Champion, dëst well Atalanta géint Sassuolo net iwwer een 1:1-Remis erauskoum.

Arsenal klappt Newcastle mat 2:0. Iwwerdeems de Match tëscht Manchester United a Liverpool wéinst Protester vun der Fans ofgesot gouf. A Frankräich konnt sech Bordeaux eng wichteg 1:0-Victoire géint Rennes erkämpfen a Lyon huet de Spëtzematch zu Monaco knapp gewonnen. An a Spuenien ass Barcelona weider gläich op mat Real.

Premier League

Newcastle - Arsenal 0:2
0:1 Elneny (5'), 0:2 Aubameyang (66')

An der englescher Premier League gouf et eng wichteg Victoire fir den FC Arsenal géint Newcastle. Arsenal kann duerch dës Victoire de Réckstand op déi europäesch Plaze verréngeren, fir Newcastle bleift weiderhin den Ofstigskampf am Mëttelpunkt. Arsenal war iwwer wäit Strecken déi besser Ekipp, si hate méi vum Match an och e gudde Pak Geleeënheeten. Fréi an der Partie konnt den Elneny seng Faarwen dann och a Féierung bréngen. Duerno hat et allerdéngs bis zur 66. Minutt gedauert, éiert den Aubameyang fir d'Entscheedung suerge konnt.

Manchester United - Liverpool ofgesot

No Ausschreidunge vun de Supporter virum an am Stadion gouf de Match tëscht Manchester United a Liverpool ofgesot. Wéini de Match nogeholl gëtt steet bis ewell nach net fest.

Tottenham - Sheffield 4:0
1:0 Bale (36'), 2:0 Bale (61'), 3:0 (69'), 4:0 Son Heung-Min (77')

Serie A

An der Serie A an Italien heescht den neie Champion Inter Mailand. Nodeems Atalanta Bergamo e Sonndeg net iwwert ee Remis bei Sassuolo erauskomm ass, ass d'Decisioun fréizäiteg gefall. Fir Inter ass et deen 19. Championstitel. Domadder geet och eng Ära op en Enn. No néng Joer heescht de Champion an Italien net méi Juventus Turin.

Lazio Roum - Genua 4:3
1:0 Correa (30'), 2:0 Immobile (43', Eelefmeter), 2:1 Marusic (47', Selbstgol), 3:1 Alberto (48'), 4:1 Correa (56'), 4:2 Scamacca (80'), 4:3 Shomurodov (81')

Lazio Roum bleift an der Course ëm d'Europa-League Qualifikatioun an Italien. Duerch eng wichteg 4:3-Victoire géint Genua bleiwen d'Männer aus der italienescher Haaptstad op der 6. Tabelleplaz. Nodeems Lazio sech an der éischter Hallschent eng 2:0-Avance erausgespillt haten, war et kuerz no Wiessel ee Selbstgol vum Marusic, deen de Match erëm spannend gestallt hat. Duerno konnt Lazio de Match awer erëm an d'Hand huelen a sech duerch ee Gol vum Alberto an duerno duerch de Correa an der 56. Minutt eng komfortabel Avance erausspillen. Trotz den zwee spéide Goler vu Genua sollt et um Enn dräi Punkte fir d'Réimer ginn.

Neapel - Cagliari 1:1
1:0 Osimhen (13'), 1:1 Nández (90'+4)

Bologna - Florenz 3:3
0:1 Vlahovic (21'), 1:1 Palacio (31'), 1:2 Bonaventura (64'), 2:2 Palacio (71'), 2:3 Vlahovic (74'), 3:3 Palacio (84')

Sassuolo - Atalanta 1:1
0:1 Gosens (32'), 1:1 Berardi (52')

Duerch dësen 1:1-Remis ass Inter Mailand offiziell Champion an Italien, dëst well Atalanta si net méi anhuele kann.

Udinese - Juventus Turin 1:2
1:0 Molina (10'), 1:1 Ronaldo (83', Eelefmeter), Ronaldo (90')

Laang Zäit hat sech Juventus Turin extrem schwéier gedoen. Fréi an der Partie konnt de Molina d'Haushären a Féierung bréngen. Duerno hat Juventus et probéiert, ma Udinese hat awer gutt dogéint gehalen a sou hat et och bis zur 83. Minutt gedauert, éiert de Ronaldo d'Chance op den Ausgläich aus 11 Meter notze konnt. Viraus gaange war een Handspill vum de Paul. Um Enn war et dann och de portugisesche Superstar, deen de Match dréine konnt. No enger Flank vum Rabiot konnt sech de Ronaldo mam Kapp duerchsetzen a Juventus soumat 3 wichteg Punkte sécheren. D'Turiner zéie soumat laanscht Neapel an den AC Mailand op déi 3. Tabelleplaz.

Sampdoria - AS Roum 2:0
1:0 Silva (45'), 2:0 Jankto (65')

Ligue 1

Bordeaux - Rennes 1:0
1:0 Mara (11')

A Frankräich konnt sech Bordeaux um 35. Spilldag wichteg Punkten an der Lutte ëm de Maintien sécheren. Duerch de Gol vum Mara an der 11. Minutt ka sech Bordeaux op déi 15. Plaz am Championnat verbesseren an huet elo 7 Punkten Avance op d'Relegatiounsplaz, dëst bei nach 3 Spilldeeg, déi ze spille bleiwen. Et war iwwerdeems och déi éischte Victoire no 5 Defaiten noeneen. Fir d'Gäscht aus Rennes gesäit et dogéint ganz anescht aus. Si leien elo op der 7. Plaz an hunn nach Chancen op d'Qualifikatioun fir d'Europa-League.

Dijon - Metz 1:5
0:1 Gueye (37'), 0:2 Sarr (42'), 1:2 Balde (48'), 1:3 Chafik (71', Selbstgol), 1:4 Vagner (82'), 1:5 Bronn (85')

Fir Metz gouf et géint den Tabelleleschten aus Dijon eng kloer 5:1-Victoire. De Resumé vum Match kënnt Dir bei de Kolleege vum 5minutes noliesen.

Lorient - Angers 2:0
1:0 Wissa (44'), 2:0 Lemoine (48')

Nîmes - Reims 2:2
0:1 Mbuku (30'), 1:1 Ripart (47'), 2:1 Koné (71'), 2:2 Flips (80')

Stade Brest - Nantes 1:4
0:1 Simon (15'), 0:2 Blas (27'), 0:3 Louza (56'), 0:4 Coulibaly (62'), 1:4 Faivre (83')

Montpellier - Saint-Étienne 1:2
1:0 Delort (6'), 1:1 Hamouma (16'), 1:2 Debuchy (50')

Monaco - Lyon 2:3
1:0 Volland (25'), 1:1 Depay (57'), 1:2 Marcelo (77'), 2:2 Ben Yedder (86'), 2:3 Cherki (89')

La Liga

Valladolid - Betis Sevilla 1:1
0:1 Garcia (49'), 1:1 Weissman (68')

Villarreal - Getafe 1:0
1:0 Pino (79')

Valencia - Barcelona 2:3
1:0 Gabriel Pauliste (50'), 1:1 Messi (57'), 1:2 Griezmann (63'), 1:3 Messi (69'), 2:3 Soler (83')