Weider waren e Sonndeg den Dirk Carlson an den Anthony Moris am Asaz.

Den Dirk Carlson koum an der 2. Bundesliga mat senger Ekipp Erzgebirge Aue net iwwer en 0:0 géint St. Pauli eraus. De Lëtzebuerger Nationalspiller huet duerchgespillt.

Den Anthony Moris huet mat der Union St. Gilloise 0:1 géint den FC Bruges gespillt. De Sobol hat e Gol géint de Lëtzebuerger Nationalgolkipp geschoss.

Dynamo Kiew huet sech e Sonndeg mat 4:0 géint Veres-Rivne duerchgesat. De Gerson Rodrigues gouf an der 46. Minutt agewiesselt.

Worskla Poltawa wënnt mat 2:0 géint Rukh Lviv. Den Oli Thill huet den 2:0 vum Stepanyuk virbereet a gouf an der 85. Minutt ausgewiesselt.

Samschdeg

An der MLS an den USA konnt de Maxime Chanot New York City als Kapitän zu enger 4:1-Victoire géint Columbus Crew féieren. De Lëtzebuerger stoung déi ganz 90 Minutten um Terrain. An der Tabell vun der Eastern Conference steet New York City momentan op der 3. Plaz.

An der 3. Liga an Däitschland huet sech de Maurice Deville um 2. Spilldag mat Saarbrécken mat 1:2 géint Osnabrück misse geschloe ginn. De Lëtzebuerger Nationalspiller stoung an der Startopstellung a gouf an der Hallschent ausgewiesselt.

En 0:0 géint Grasshopper Zürich gouf et an der Schwäiz fir d'Young Boys Bern mam Christopher Martins. De Lëtzebuerger Nationalspiller hat an der 44. Minutt déi giel Kaart gewise kritt a gouf no 81. Minutten duerch de Rieder ersat.

Freideg

Fir de Veräin vum Enes Mahmutovic gouf et e Freideg den Owend an der éischter ukrainescher Liga eng 3:0-Defaite. De Lëtzebuerger Defenseur stoung bei Lviv an der Startformatioun an huet de ganze Match iwwer gespillt.