D'Bronzemedail goung dogéint un d'Jelina Switolina. Bei den Hären huet den Djokovic déi kleng Finall géint de Carreno-Busta verluer.

An der Finall bei den Dammen hu sech d'Belinda Bencic an d'Marketa Vondrousova en enke Match geliwwert. Den éischte Saz konnt sech d'Bencic aus der Schwäiz knapps mat engem 7:5 sécheren. Am zweete Saz war d'Tschechin dann awer méi staark an entscheet dësen kloer mat 6:2 fir sech. Am entscheedenden an 3. Saz konnt sech d'Schwäizerin liicht Virdeeler erspillen a gewënnt dëse mat 6:3. Domadder feiert d'Belinda Bencic de gréissten Erfolleg an hirer Karriär an et ass déi éischt Schwäizerin déi bei den Dammen am Eenzel eng Goldmedail bei Olympia gewënnt.

An der Lutte ëm d'Bronzemedail hat d'Jelena Rybakina aus dem Kasachstan de bessere Start. Direkt den éischte Saz konnt si mat 6:1 fir sech entscheeden. D'Jelina Switolina aus der Ukrain konnt den zweete Saz du knapp 7:6 fir sech entscheeden, an ass am entscheedenden drëtte Saz direkt mat 0:3 a Réckstand geroden. Ma um Schluss sollt si de Saz an de Match domadder nach eng Kéier dréinen. Den drëtte Saz wënnt si mat 6:4 a séchert sech esou déi drëtte Plaz um Podium.

© RTL