De Weekend geet am nationale Futtball déi nei Saison un. Eis Sportsekipp vum Radio huet fir Iech eng Virschau op déi eenzel Matcher an Ekippe preparéiert.

Ënner 16 Ekippe gëtt den Nofollger vun der Escher Fola als Champion gesicht.

US Hueschtert géint FC Rodange

De Sam Rickal huet sech d’Ekippe vun Hueschtert a Rodange bësse méi genau ugekuckt.

Virschau Hueschtert géint Rodange/Reportage Sam Rickal

Progrès Nidderkuer géint FC Déifferdeng 03

De Progrès Nidderkuer kritt et um éischte Spilldag am Derby mam Noper Déifferdeng ze dinn an do ass vun Ufank u Feier dran, mengt de Cliff Block.

Virschau Nidderkuer géint Deifferdeng/Reportage Cliff Block

Union Titus Péiteng géint Una Stroossen

Déi Péitenger waren déi lescht Saison op der leschter Plaz, mä vu datt laang Zäit gewosst war, datt kee géif ofsteigen, gouf sech zu Péiteng schonn op dës Saison preparéiert. Stroossen war op der 10. Plaz. Mä genee wéi déi Péitenger hunn och déi Stroossener dës Saison genuch Potential, fir hannert de Grousse vum Championnat unzegräifen, Serge Olmo.

Virschau Péiteng géint Stroossen/Reportage Serge Olmo

Etzella Ettelbréck géint Victoria Rouspert

De Sam Rickal huet sech d'Ettelbrécker Etzella an d’Victoria Rouspert bësse méi genau ugekuckt.

Virschau Etzella géint Rouspert/Reportage Sam Rickal

Jeunesse Esch géint RM Hamm Benfica

Mat ganz ënnerschiddlechen Ambitiounen gi béid Veräiner an d'Saison eran. Bei deene Schwaarz/Wäissen wëll een nees un déi gutt al Zäiten uknäppen a ganz uewen matspillen. Beim Géigner RM Hamm Benfica, deen déi vergaange Saison op der leschter Plaz ofgeschloss huet, gouf sech och nei opgestallt.

Virschau Jeunesse Esch géint RM Hamm Benfica / Reportage Cliff Block

F91 Diddeleng géint FC Wolz 71

No der Aventure an der Coupe d'Europe sollt et am Prinzip fir den F91 e Sonndeg nees am nationale Futtball-Championnat lassgoen. Mat Wolz wär dann och e ganz onbequeme Géigner op Diddeleng komm. D'Partie gouf awer elo op den 18. August verréckelt, dat wéinst 5 Corona-Fäll bei deenen Diddelenger. Dat ännert awer näischt un den Ambitioune vu béiden Ekippen a wéi déi sinn, dat weess de Gilles Tricca.

Virschau Diddeleng géint Wolz/Reportage Gilles Tricca

US Munneref géint Fola Esch

Um éischte Spilldag vum Futtballchampionnat ëmfänkt Munneref de Champion Fola. Fir déi Munnerefer fänkt déi offiziell Saison domadder un. Déi Escher haten dogéint scho 5 Optrëtter an der Champions League Qualifikatioun an an der Conference League...a bis elo mat vill Erfolleg an der Conference League. De Serge Olmo kuckt op d'Preparatioun vun de Veräiner an op hir Ambitiounen op nationalem Plang.

Virschau US Munneref géint Fola Esch/Reportage Serge Olmo

Racing géint Swift Hesper

Mat der Partie Racing géint Hesper gëtt et direkt um 1. Spilldag e Spëtzematch. Ob béid Ekippe prett sinn, verréit eis de Gilles Tricca.

Virschau Racing géint Hesper/Reportage Gilles Tricca

Virschau vum Paul Philipp

Déi ganz Woch hu mir Iech déi 16 Veräiner virgestallt, déi dës Saison an der ieweschter Divisioun ëm de Championstitel spillen. Als Ofschloss vun dëser Serie huet de Jeff Kettenmeyer wéi gewinnt mam FLF-President Paul Philipp op déi nei Saison no vir gekuckt.

Virschau Paul Philipp/Reportage Jeff Kettenmeyer