E Samschdeg war mam Tom Habscheid deen eenzege Sportler aus dem Grand-Duché bei de Paralympics zu Tokio am Asaz.

No der 7. Plaz bei de Paralympics zu Rio viru 5 Joer ass den Tom Habscheid e Samschdeg zu Tokio am Bommstoussen (F63/F42) de staarke 4. ginn. De Lëtzebuerger, deen a senger Karriär bis ewell schonn zweemol WM-Sëlwer, fënnefmol EM-Sëlwer an eng EM-Bronzemedail gewonnen huet, konnt sech domadder säi groussen Dram vun enger Medail bei de Paralympics awer net erfëllen. Hien huet de Podium ëm 21 Zentimeter verpasst. De beschte Versuch hat den Tom Habscheid am 2. Duerchgang mat 13,92 Meter.

D'Goldmedail war fir den Top-Favorit Aled Davies (F42) aus Groussbritannien mat 15,33 Meter. Sëlwer huet sech den Iraner Sajad Mohammadian (F42) mat 14,88 Meter geséchert. Um Podium stoung nach de Faisal Sorour (F42) aus dem Kuwait mat 14,13 Meter.

Fir d'Sportler war et keng einfach Kompetitioun. Et huet nämlech zu Tokio zerguttst gereent.

Mat 15,10 Meter hält den Tom Habscheid zanter 2019 de Weltrekord an der Kategorie F63. Zu Tokio gouf et eng gemeinsam Kompetitioun mat der Kategorie F42. Hei hält de Britt Aled Davies zanter 2017 de Weltrekord mat 17,52 Meter.

Andréck vun de Paralympics

Reaktioun vum Sportminister Dan Kersch

Message du ministre des Sports, Dan Kersch, à l’attention de Tom Habscheid, 4e place aux Jeux paralympiques de Tokyo au lancer du poids (04.09.2021)
Communiqué par: ministère des Sports


 

Cher Tom,

Au bout d'une lutte de très haut niveau, tu as fait une belle 4e place aux Jeux paralympiques de Tokyo.

À la veille de la cérémonie de clôture et dans une compétition difficile, cette 4e place est une récompense pour tous les efforts accomplis depuis de nombreuses années.

Après les titres de vice-champion du monde et de vice-champion d'Europe, tu viens de démontrer que ta place parmi l'élite mondiale est plus que méritée.

Merci Tom d’avoir représenté le Luxembourg sur la scène internationale en véhiculant l’image de marque du Luxembourg à l’étranger de façon exemplaire.

s. Dan Kersch
Ministre des Sports