E Freideg stoungen d'Véierelsfinalle beim Tennistournoi op der Kockelscheier um Programm.

D'Jelena Ostapenko konnt sech e Freideg beim WTA-Tennistournoi an zwee Sätz mat 7:6 (8:6) a 6:2 duerchsetzen a steet elo an der Halleffinall. Am nächsten Tour geet et elo géint d'Liudmila Samsonova aus Russland. Si huet sech kloer an zwee Sätz mat 6:1 a 6:4 géint d'Schwäizerin Belinda Bencic behaapt.

An der zweeter Partie vum Dag huet d'Clara Tauson sech géint d'Marie Bouzkova behaapt. Mat 6:3 a 6:2 huet sech d'Dänin hir Plaz an der Halleffinall geséchert. E Samschdeg kritt si et mam Markete Vondrousova ze dinn. D'Tschechin huet d'Elise Mertens aus der Belsch an zwee Sätz mat 7:5 a 6:2 geklappt.

Hei fannt Dir de Livestream vum WTA-Tennis-Tournoi op der Kockelscheier.

D'Resultater am Iwwerbléck

Janina Ostapenko (LAT) - Alizé Cornet (FRA) 7:6 (8:6) a 6:2

Marie Bouzkova (CZE) - Clara Tauson (DEN) 3:6 an 2:6

Belinda Bencic (SUI) - Liudmila Samsonova (RUS) 1:6 a 4:6

Marketa Vondrousova (CZE) - Elise Mertens (BEL) 7:5 a 6:2