De Podium gëtt vun der Amerikanerin Mikaela Shiffrin a vum Lena Dürr komplettéiert.

Beim éischte Slalom vun der Saison huet sech d'Petra Vlhova duerchgesat. D'Slowakin louch zu Levi nom éischten Duerchgang schonn op der éischter Plaz an dat virum Mikaela Schiffrin. Am zweeten Duerchgang sollt d'Vlhova hire Virsprong op d'Amerikanerin vun 0,11 op 0,31 Sekonnen ausbauen. Zanter 2016 huet ëmmer eng vun deenen zwou Sportlerinnen zu Levi gewonnen.

D'Lena Dürr aus Däitschland koum zum Schluss nach op déi drëtte Plaz, nodeems si am éischten Duerchgang no engem Feeler op der 6. Plaz gelant war.