De Veräin aus der däitscher Haaptstad huet sech vu sengem Trainer Pal Dardai getrennt an huet mam Tayfun Korkut schonns ee Successeur annoncéiert.

De Korkut ënnerschreift bei der Hertha ee Kontrakt bis d'Enn vun der Saison. De 47 Joer alen Trainer souz fir d'lescht beim VfB Stuttgart op der Trainerbänk, dat vu Januar bis Oktober 2018.

D'Ekipp vu Berlin steet an der Bundesliga aktuell op der 14. Plaz a bleift domat hannert den Erwaardungen zeréck.