Duerch dës Victoire steet de Lëtzebuerger Nationalspiller mat sengem Veräin an de Conference-Finals vun den MLS-Playoffs.

An der Nuecht op e Mëttwoch huet den New York City FC am Eelefmeterschéisse mat 5:3 bei New England Revolution gewonnen. Domadder huet New York City e Favorit op den Titel eliminéiert a steet elo an de Conference-Finals. De Maxime Chanot huet de Match duerchgespillt. E Sonndeg um 21 Auer eiser Zäit kritt NYCFC et mat Philadelphia ze dinn.

An der Finall vun der Western Conference kréien et d'Portland Timbers an der Nuecht op e Sonndeg (0.30 Auer MEZ) mat Real Salt Lake ze dinn.

A Frankräich an der Ligue 1 huet Troyes, wou och de Lëtzebuerger Gerson Rodrigues matspillt, sech mat 2:0 géint Lorient konnte behaapten.

An och d'Young Boys Bern, wou jo de Christopher Martins spillt, konnt sech an der 1. Liga an der Schwäiz géint den FC Lugano duerchsetzen.

En Donneschdeg huet Sheriff Tiraspol mam Sébastien Thill 0:0 géint den FC Petroclub gespillt. Domat bleift d'Ekipp ronderëm de Lëtzebuerger Nationalspiller an der Tabell vun der moldawescher Liga weiderhin ee Punkt hannert dem Leader Petroclub. Den Thill stoung 90 Minutte laang um Terrain.