Déi aner Podiumsplazen zu Wengen hu sech den Norweger Aleksander Aamodt Kilde an den Éisträicher Matthias Mayer geséchert.

No senger Victoire zu Adelboden konnt sech de Schwäizer Marco Odermatt op en Neits géint seng Konkurrente behaapten. Et ass déi éischte Kéier zanter 1994, datt zu Wengen nees e Super-G organiséiert gouf. Dat als Ersatz fir dat annuléiert Rennen zu Bormio.

Am Biathlon gouf et am Sprint zu Ruhpolding an Däitschland, e Succès fir de Fransous Quentin Fillon Maillet. Um Podium stoungen och nach den Däitschen Benedikt Doll an de Belaruss Anton Smolski.