Donieft konnt sech Manchester City mat 1:0 géint de FC Chelsea duerchsetzen. An Italien huet Lazio Roum gewonnen, nämmlecht wéi Lens a Frankräich. 

An der däitscher Bundesliga stoung iwwerdeems den 19. Spilldag um Programm. Hei konnt sech ënnert anerem Bayern géint Köln behaapten.

An der englescher Championsship huet den Danel Sinani beim 1:1 vun Huddersfield géint Swansea den tëschenzäitlechen 1:0 markéiert.

Premier League

Manchester City - FC Chelsea 1:0
1:0 De Bruyne (70')

City huet vun Ufank un de Match géint Chelsea dominéiert, ouni sech awer eng sëlleg gutt Chancen eraus ze spillen. Vun de Gäscht dogéint ass vill ze wéineg komm. Chelsea war an der Paus mam 0:0 deemno gutt bedéngt. Direkt nom Säitewiessel hat de Lukaku déi beschte Chance am Match fir d'Londoner, säi Schoss sollt den Ederson awer paréieren. An der 70. Minutt huet dunn dem De Bruyne seng Stonn geschloen. Mat engem Sonndesschoss huet de Belsch fir d'Schlussresultat gesuergt.

Domat huet Chelsea aus deene leschte 6 Matcher nëmmen 1 konnte fir sech entscheeden, Manchester City dogéint huet den 12. Match um Stéck gewonnen a bleift souverän un der Tabellespëtzt.

Wolverhampton Wanderers - FC Southampton 3:1
1:0 Jimenez (37'), 2:0 Coady (59'), 2:1 Ward-Prowse (84'), 3:1 Traore (90+1')

Aston Villa - Manchester United 2:2
0:1 Fernandes (6'), 0:2 Fernandes (67'), 1:2 Ramsey (77'), 2:2 Coutinho (82')

D'Ekipp vum Ralf Rangnick ass besser an de Match komm an ass fréi duerch de Fernandes a Féierung gaangen. Virun allem nom Säitewiessel ass et dunn hin an hier gaangen, an d'Spectateuren hunn e spektakuläre Match gebuede krut. Nom 0:2 vum Fernandes hätt e kéinte menge Manu géif als séchere Gewënner vum Terrain goen. Bannent 5 Minutten hunn dunn de Ramsey an de Coutinho de Match konnten ausgläichen. Kuerz viru Schluss hätt de Coutinho nach den 3:2 markéiere kéinten, säi Schoss sollt awer vum de Gea paréiert ginn. No engem intensivem Match spille béid Ekippen 2:2-Gläich.

Serie A

US Salernitana - Lazio Roum 0:3
0:1 Immobile (7'), 0:2 Immobile (10'), 0:3 Lazzari (66')

Lazio Roum huet géint den Tabelleleschte Salernitana näischt ubrenne gelooss an huet scho fréi am Match duerch zwee Goler vum Ciro Immobile de Grondstee fir déi 3 Punkte gesuergt. Lazio bleift domat un den internationale Plazen drun.  

Ligue 1

AS St. Etienne - RC Lens 1:2
1:0 Boudebouz (38'), 1:1 Sotoca (77'), 1:2 Fofana (90+5')

La Liga

A Spuenien ass de Weekend Paus am Championnat, dat well d'Aachtelsfinallen an der Copa del Rey gespillt ginn.