Den Däitsche gewënnt de Massestart bei den Hären. Et ass seng 1. Victoire no iwwer 2 Joer. Bei den Damme konnt sech an der Staffel Norwegen duerchsetzen.

No iwwer 15 km ka sech domat zu Antholz an Italien den Däitsche Benedikt Doll virum Norweger Johannes Thingnes Bö duerchsetzen. Béid Biathlete sinn zesumme bei dat lescht Schéisse komm. Iwwerdeems de Johannes Thingnes Bö 1 Feeler geschoss huet, si beim Benedikt Doll d'Scheiwen all gefall an esou konnt hien zu senger 3. Victoire a senger Karriär lafen. Op déi 3. Plaz klasséiert sech mat knapps 1,5 Minutte Réckstand de Sturla Holm Laegreid.

Bei den Damme stoung iwwerdeems d'Staffel iwwer 4x6km um Programm. Hei konnt sech Norwegen mat enger Avance vu 24 Sekonne viru Russland duerchsetzen. Frankräich hat als 3. e Réckstand vun 32 Sekonnen. Déi Tschechescher Republik louch bis kuerz viru Schluss op der 2. Plaz, ma kuerz virun der Arrivée ass d'Lucy Charvatova gefall, esou datt ee just 6. ginn ass.