D'Ekipp vum Kapitän Gilles Muller huet sech mat 2:1 duerchgesat.

Am Tennis-Davis-Cup huet d'FLT-Formatioun e Mëttwoch den Owend hiren Optaktmatch an der Europa Grupp III gewonnen. D'Ekipp vum Kapitän Gilles Muller huet sech mat 2:1 géint Nordmazedonien duerchgesat.

De Chris Rodesch huet säi Simpel an 3 Sätz verluer, iwwerdeems den Alex Knaff säi Match an 2 Sätz konnt gewannen. Am decisiven Dubbel konnte sech den Alex Knaff an de Chris Rodesch an 2 Sätz géint den Duo Bugarikj a Markovski duerchsetzen an esou de Score op 2:1 fir Lëtzebuerg setzen.

En Donneschdeg spillt Lëtzebuerg da géint Moldawien.