Den 2ten Deel vu dem Anne sengem Berlin Trip... Dës Kéier vegetaresch!

Kalbassen Zopp mat Parmesanchips

RTL

Fir 8 Persounen • Préparatioun 1:10 h • Einfach • Vegetaresch
1 kg Kalbass
250 g Äppel
1 Zwiwwel
2 Knuewelekszéiwen
1 daumegrousst Stéck Ingwer (Gingembre)
15 g Botter
1⁄4 TL Chiliflacken
1 TL Zëmt
1 TL Ras el Hanout
1,4 l Gefliggel- oder Geméisbouillon
Fir d’Parmesanchips:
100 g Parmesan, geriwwen
Frëschen Thym (wann et gewënscht ass)

De Kalbass an der Mëtt schneiden an d’Kären eraushuelen. De Kürbis schielen an a kleng Stécker schneiden. D’Äppel schielen, de Batz eraushuelen an och a Stécker schneider. D’Zwiwwel schielen a kleng schneiden, de Knuewelek schielen a pressen. Den Ingwer schielen a kleng rappen.

De Botter an engem groussen Dëppen wiermen an d’Zwiwwele 4 Minutte laang dëmpen. De Knuewelek, den Ingwer an d’Chiliflacken dobäi ginn an 1 weider Minutt goe loossen.

De Kalbass, d’Äppel, den Zëmt an de Ras el Hanout dra ginn. En Deckel op d’Dëppe maachen an 10 Minutte goe loossen, dobäi heiansdo dra réieren.

De Bouillon dra schëdden an opkachen. D’Dëppen nees zougedeckt 30 Minutte laang goe loossen, bis de Kalbass duerch ass.

An der Tëschenzäit d’Parmesanchips virbereeden. Den Uewen op 180°C Ëmloft virhëtzen. Bakpabeier op e Blech leeën an en EL Parmesan op dem Blech verdeelen. Wann Dir Thymian dobäi wëllt maachen, da steet deen op de Parmesan drop a baakt de Kéis 8 Minutte laang am Uewen. Fir ofzekillen um Blech leie loossen.

Wann de Kürbis duerch ass, d’Dëppe vun der Plaque erofhuelen, den Deckel erofhuelen an 10 Minutte laang ofkille loossen.

D’Zopp mat engem Puréierstaf püréieren a nees wiermen. Mat Salz a Peffer wierzen.

All Portioun Kalbassen Zopp mat e bësse Ras el Hanout bestreeën a mat Parmesanchips dekoréieren.

Semmelknödel mat Pilzen

RTL

Fir 4 Persounen • Préparatioun 1 h • Roue loossen 30 Min. • E bësse méi schwéier • Vegetaresch
Fir de Pangrattato:
50 g gedréchent Brout
1 TL frësche Romarin
1⁄4 TL Salz
25 g Botter

Fir d’Knödel:
200 g gedréchent Brout
200 ml Mëllech
2 Schallotten
60 g Botter
6 EL Péiterséileg
2 Eeër
1 TL Miel
2 EL Chapelure
4 EL geriwwene Parmesan
Muskatnoss
Salz und Peffer

Fir d'Sauce:
750 g Champignone
4 Schallotten
3 Knuewelekszéiwen
4 Zweige frësche Romarin
400 ml wäisse Wäin
8 EL Crème fraîche
2 TL Maizena
Salz und Peffer
frësche Péiterséileg fir ze zerwéieren

Fir d’éischt gëtt de Pangrattato virbereet. Dat dréchent Brout, de Romarin an d’Salz an e Mixer ginn an zerklengeren. De Botter an enger Pan wiermen an dat zerklengert Brout 5 Minutte laang gëlle brong a knausereg broden. An eng Schossel maachen an op d’Säit stellen.

Fir d’Knödel, d’Brout an 1 cm grouss Stécker schneiden an an eng Schossel ginn.

D’Mëllech wiermen an iwwert d’Brout schëdden an 30 Minutte laang op d’Säit stellen. Vun der Plaque erofhuelen an 1/3 vun de Schallotten bei d’ageweechent Brout ginn. D’Pan mam Rescht vun de Schallotten op d’Säit stellen.

Déi 6 Schallotten fir d’Knödel an d’Sauce schielen a reng schneiden. De Knuewelek schielen a pressen. 60 g Botter an enger Pan wiermen an d’Schallotten goe loosse bis se glaseg sinn.

Fir d’Préparatioun vun de Knödel: de Péiterséileg, d’Eeër, d’Miel, d’Chapelure an de Parmesan zu der Brout-Zwiwwel Mëschung dobäi ginn. Mat Meskot, Salz a Peffer wierzen a mat engem Läffel gutt mëschen. Dann nach eng Kéier mat den Hänn mëschen. D’Hänn liicht fiicht maachen an 8 golfball-grouss Knödel aus dem Deeg formen. All Knödel fest drécken, sou datt e beim Kachen net zerfält.

E grousst Dëppe mat Salzwaasser opkachen, dann d’Temperatur erofsetzen an d’Knödel mat engem Schaumläffel lues an d’Waasser ginn. En Deckel op d’Dëppe maachen an d’Knödel 15 Minute ganz lues kache loossen.

Während dem gëtt d’Sauce preparéiert: D’Pilzen botzen an a Scheiwe schneiden.

D’Pan mam Rescht vun den Zwiwwelen op d’Plaque nees stellen an nees wiermen. De Knuewelek an de Romarin draginn, 1 Minutt broden, dann d’Pilzen dobäi ginn a mat Salz a Peffer wierzen.

D’Pilze solle sou laang brode bis se Flëssegkeet verléieren, dann de wäisse Wäin dobäi ginn. Opkache loossen, dann d’Temperatur erofsetzen a 5 Minutte laang lues goe loossen.

D’Crème fraîche dramaachen an nach eng Kéier opkache loossen. De Maizena (Speisestärke) an eng kleng Schossel maachen, e puer Läffelen Wäinsauce dobäiginn an opléisen, an d’Sauce nees zeréck schëdden. Weider 3 Minutte goe loossen. De Romarin virum Zerwéieren eraushuelen.

D’Knödel mat engem Schaumläffel aus dem Dëppen huelen an ofdrëpse loossen.

Pro Portioun eng gutt Louche voll Pilzsauce op en Teller maachen, 2 Knödel drop maachen a mat Pangrattato a Péiterséileg bestreeën.

Kéis-Kniddelen

RTL

Fir 6-8 Persounen • Préparatioun 1:20 h • Eppes méi schwéier • Vegetaresch
6 Zwiwwelen
40 g Botter + extra fir ze broden
1 Stärenanäis
800 g Miel
1 TL Salz
4 EL frësche Péiterséileg, reng geschnidden
6 Eeër
450 ml Mëllech
200 g Gruyère oder Emmentaler, geriwwen

D’Zwiwwele schielen an an der Mëtt duerchschneiden an e kleng Scheiwe schneiden. 40g Botter an enger Pan schmëlzen, d’Zwiwwelen, den Anäis, e bësse Salz dobäi ginn an 20 Minutte laang dëmpe loossen, dobäi regelméisseg réieren. Den Anäis eraushuelen an d’Zwiwwelen op d’Säit stellen.

An der Tëschenzäit de Kniddel-Deeg virbereeden. D’Miel an eng grouss Schossel ginn, 1 TL Salz, de Péiterséileg an d’Eeër dobäiginn a mam Kniedläffel vun der Kichemaschinn vermëschen. D’Mëllech no an no aréieren an den Deeg knieden bis eng zéiflësseg Masse entsteet.

An engem groussen Dëppen d’Salzwaasser opkachen. Mat 2 Téiläffelen eng grouss Bull aus dem Deeg formen an vun de Läffele virsiichteg an d’Waasser leeën, sou datt se lues op de Buedem ënnergeet. So vill Kniddele maache, bis de Buedem vum Dëppe komplett bedeckt ass. D’Kniddele weider kache loossen, bis se nees erop kommen. Da sinn se nämlech duerch. Mat engem Schaumläffel aus dem Waasser huelen an an eng Schossel ginn. De Rescht vum Deeg weider esou veraarbechten.

Den Uewen op 220°C Ober- an Unterhitze hëtzen.

Déi fäerdeg Kniddelen a Portiounen an enger Pan ubroden. Dobäi 1 EL Botter an enger Pan schmëlzen an all Portioun Kniddel gëlle brong an knausereg broden. Eng feierfest Form mat enger Schicht Kniddelen fëllen, d’Halschent vun den Zwiwwelen an d’Halschent vum Kéis dropmaachen. Dann eng zweet Schicht Kniddel dropmaachen an de Rescht vun den Zwiwwelen an dem Kéis dropmaachen.

D’Kéiskniddelen 5 Minutte laang am Uewe baken, bis de Kéis geschmolt ass a gëlle brong ass.

Mat Zalot zerwéieren.