Den Alain Hostert, aus der Hotelschoul vun Dikrech, préparéiert mam Carolina a mam Shane Cabillaud.

Ingrediente fir 4 Leit

4 Stécker tëscht 160 an 180g Réck vum Skrei                       
1 Zitroun                                   
100g Muerten                                 
100g Champignonen                       
100g Panais                                     
100g Kleng Rommelen (Navet)       
Fleur de sel a Peffer
Péiterséileg
Olivenueleg

Preparatioun

D’Zitroun an 8 Tranche schneiden. D’Geméis preparéieren : d’Muerten an de Panais a Stäfecher, d’Rommelen an d’Champignonen a Stécker schneiden. D’Muerten, de Panais an d’Rommele kuerz a kachendem Salzwaasser virkachen fir dass se an der Papillote duerno schéin zaart ginn. De Péiterséileg kleng schneiden a mam Montage vun der Papillote ufänken. De Fësch mat der Haut no ënnen op véier eenzel Papillotë leeën, salzen a pefferen, d’Geméis drop verdeelen an um Enn e Schotz Olivenueleg driwwer schëdden. D’Papilloten zoumaachen an 12 Minutte bei 150 Grad am Schäffche kachen. An der Papillote zerwéieren.