Den Alain Hostert aus der Hotelschoul preparéiert haut mam José zesummen e festleche Fëschplat: en Turbot mat klengem Geméis fir 6 Leit.

Ingrediente fir 4 Leit

Wëllen Turbot                        1 Stéck vun 1-2kg
Mini-Muert (mam Gréngs)      12 Stéck
Mini-Mais                              6 Stéck
Mini-Navet                            400 g
Mini-Chicon                           6 Stéck
Gromperepüree                     600g
Fleeschzooss (jus de viande)  300ml
Olivenueleg            
Fleur de sel
Peffer

Preparatioun

Den Turbot a 6 Portioune schneiden. Dofir de Kapp erofschneiden an de Knorpelkranz ronderëm d’Fileten ofschneiden (debarbéieren). Déi 6 Stécker mat der Haut an der décker Sprenz an der Mëtt ënner kalem Waasser ofwäschen a mat Kichepabeier ofdréchnen.

D’Naveten an d’Muerte schielen a mat dem Mais an de Chiconen e puer Minutten a kachendem Salzwaasser blanchéieren. Direkt a kalem Waasser ofschrecken an op d’Säit stellen.

De Schäffchen op 160° virhëtzen. E gudde Schotz Olivenueleg an enger grousser Cocotte waarm maachen an de Fësch op der Säit vun der Haut ubroden. Mat Fleur de sel a Peffer wierzen. D’Geméis mat an d’Dëppe ginn an den Deckel drop setzen.

Je no Déckt vun de Stécker, de Fësch mam Geméis an der Cocotte tëscht 20 an 30 Minutten bei 160° am Schäffchen kachen. De Fësch muss herno op der Sprenz idealerweis eng Temperatur tëscht 58° an 62° hunn.

An der Tëschenzäit de Gromperepüree an d’Fleeschzooss wiermen.

Wann de Fësch duerch ass, de Gromperepüree op d’Telleren dresséieren an de Fësch ouni Haut op de Püree leeën (d’Haut pecht normalerweis um Fong vun der Cocotte).  Mam Geméis an der Zooss garnéieren.