De Pont Adolphe, gebaut no Pläng vum franséischen Ingenieur Paul Séjourné, gouf de 24. Juli 1903 fir de Verkéier fräi ginn - wat 100 Joer méi spéit mat engem "Brécke-Fest" grouss gefeiert gouf. Déi nach ëmmer "Nei Bréck" genannte Verbindung vun der Uewerstad mam Garer Quartier muss awer elo "gefléckt" ginn. Si huet uerg ënnert deem villen Trafic gelidden a muss och prett fir den Tram gemaach ginn. Nodeems eng Rëtsch Optiounen am Raum stoungen (eng Bréck direkt nieft der Bréck, eng zweet Bréck ë bëssi méi wäit ewech, en drëtten Arc nieft denen 2 bestehenden, eng zolitt Verbredderung vun der Bréck duerch méi e groussen Ofstand vun den zwee Arcen genee wéi och nach e spektakulären, awer wuel net ze realiséierende private Projet) gouf awer decidéiert, datt d'Bréck just liicht méi breet gemaach soll ginn - wat awer net verhënert, datt si restauréiert oder vill méi "reconstruéiert" muss ginn. An der Zäit hate Ministère des travaux publics a Ponts & Chaussées déi Aarbechten esou illustréiert.