D'Feministinne hunn um Dënschdeg den Owend de "Pussy Riot Theatre" an der Kufa zu Esch presentéiert, eng Punk-Rock-Performance an där d'Band hir Geschicht an hir Skandaler erzielt. D'Performance baséiert op d'Buch "Days of Insurrection" vum Maria Alyokhina, Member vun de Pussy Riot.

Déi 3 Frae si virun allem bekannt, well se 2012 an enger Kathedral e sougenannt Punk-Gebitt géint den deemolege Premier Wladimir Putin presentéiert haten.

Si goufen zu zwee Joer an engem Aarbechtslager veruerteelt, waren awer 2013 fréizäiteg erauskomm, well de Putin se begnodegt hat.